یو این آئی
وادی کشمیر بشمول سرمائی دارالحکومت سری نگر میں آج دوپہر کے وقت متوسط درجہ کا زلزلہ محسوس کیا گیا ۔ جس کی شدت زلزلہ پیما پر5.8ناپی گئی۔ یہ سال نو2016میں کشمیر میں آنے والا پہلا زلزلہ تھا ۔ زلزلہ کی وجہ سے وادی کے کچھ علاقوں میں لوگ کلمہ طیبہ کا ورد کرتے ہوئے گھروں، دفاتروں اور دکانوں سے باہر نکل آئے ۔ محکمہ موسمیات کے ایک ترجمان نے بتایا کہ زلزلے کے جھٹکے دوپہر کے2:08بجے محسوس کئے گئے جو کئی سکنڈس تک جاری رہے، جس کا مبدا مبداء افغانستان میں ہندو کش کی پہاڑیوں میں تھا ۔ اسی دوران افغانستان کے ہندو کش علاقہ میں آئے زلزلہ کے جھٹکوں کا اثر دارالحکومت دہلی اور این سی آر میں بھی محسوس کئے گئے ۔ محکمہ موسمیات کے مطابق دوپہر2:07بجے آئے زلزلے کی شدت زلزلہ پیما پر5.8ریکارڈ کی گئی۔ محکمہ موسمیات نے بتایا کہ زلزلے کا مرکز زمین سے170کلو میٹر کی گہرائی میں تھا۔
Earthquake in Delhi: 5.8 magnitude quake jolts region; epicentre in Hindu Kush region
کوئی تبصرے نہیں:
ایک تبصرہ شائع کریں