Search | تلاش
Archives
TaemeerNews Rate Card

Ads 468x60px

Our Sponsor: Socio Reforms Society India

تعمیر نیوز آرکائیو - TaemeerNews Archive

2016-01-25 - بوقت: 23:29

امیت شاہ دوبارہ بی جے پی کے صدر منتخب

Comments : 0
نئی دہلی
پی ٹی آئی
صدر بی جے پی امیت شاہ جنہیں پارٹی کی رکنیت میں کافی اضافہ کرنے اور چار ریاستوں میں اسے اقتدار پر لانے کی قیادت کا اعزاز حاصل ہے ۔ انہیں متفقہ طور پر نئی میقات کے لئے منتخب کرلیا گیا ۔ ان کے انتخاب کی وزیر اعظم نریندر مودی اور پارٹی کے سرکردہ قائدین نے توثیق کی ہے ۔ نامزدگی کے طریقہ عمل کے دوران جس میں کوئی دیگر قائد میدان میں نہیں تھا، مودی، ان کی کابینہ کے کئی رفقاء بشمول راج ناتھ سنگھ ، ایم وینکیا نائیڈو اور نتن گڈ کری کے علاوہ بی جے پی کے چیف منسٹرس اور کئی قائدین نے شاہ کا نام تجویز کیا ۔ پارٹی کے سینئر قائدین بشمول ایل کے اڈوانی اور مرلی منوہر جوشی جنہوں نے ماضی میں51سالہ شاہ کو صدر بنائے جانے پر ناخوشی ظاہر کی تھی وہ غیر موجود رہے ۔ ہیڈ کوارٹر پر کم و بیش تمام قومی و ریاستی قائدین شاہ کو مبارکباد دینے قطار میں نظر آئے ۔ مودی جو سر کاری مصروفیات کے باعث اس تقریب میں شرکت نہیں کرسکے ، امکان ہے کہ وہ28جنوری کو منعقدہ ہونے والی پارلیمنٹری بورڈ کی میٹنگ میں شرکت کریں گے اور اس موقع پر شاہ کا ان کی نئی میقات پر استقبال کریں گے ۔ مودی نے شاہ کے دوبارہ منتخب ہونے پر انہیں مبارکبا دی ہے اور اعتماد ظاہر کیا ہے کہ پارٹی ان کی قیادت میں نئی بلندیوں کو چھولے گی ۔ گجرات کے قائد کے لئے یہ پہلی مکمل تین سالہ میقات ہوگی ۔ انہیں مودی کی مکمل تائید حاصل ہے ۔ انہوں نے اپنے پیشرو راج ناتھ سنگھ کے حکومت میں شامل ہونے کے بعد2014میں پارٹی صدر کا عہدہ سنبھالا تھا۔

Amit Shah re-elected president of the BJP

0 comments:

Post a Comment