رسالہ "چترا" کے بعد ملک گیر شہرت ماہنامہ "شمع" (نئی دہلی) کو حاصل ہوئی جس کی اشاعت 1939 سے شروع ہوئی تھی۔ اس رسالے کے بانی یوسف دہلوی تھے جنہوں نے اپنے تین فرزندان کے ساتھ "شمع پبلی کیشنز" کے نام سے ایک اشاعتی ادارے کی بنیاد ڈالی تھی۔
ادارہ شمع نے فلمی ادبی رسالہ "شمع" کے علاوہ خواتین کے ماہنامے "بانو" اور بچوں کے رسالے "کھلونا" کا بھی اجرا کیا تھا۔
یوسف دہلوی نے 'شمع' میں فلم کے ساتھ اعلیٰ ادبی معیار بھی برقرار رکھا تھا۔ ان دنوں بڑے بڑے افسانہ نگار تمنا کرتے تھے کہ "شمع" میں ان کی کہانی شائع ہو جائے۔ یوسف دہلوی کے لڑکے یونس دہلوی اور ادریس دہلوی کے فلمی دنیا سے قریبی رشتے تھے، بالخصوص ادریس دہلوی فلم سازوں اور اداکاروں کے یار سمجھے جاتے تھے۔ ادریس دہلوی "مسافر" کے قلمی نام سے فلمی ستاروں کے در پردہ راز اس اعتماد کے ساتھ اپنے مستقل کالم "فلمی دنیا کی سیر" کے ذریعہ قارئین تک پہنچاتے جیسے ان کے دیدہ وشنیدہ ہوں۔
کہا جاتا ہے کہ 90 کی دہائی کے اواخر میں خاندانی اختلافات کے باعث ادارہ "شمع" کی لو مدھم ہونے لگی اور ایک ایک کر کے تمام رسائل بند ہو گئے۔
نکہت ستار نے ادارہ شمع کے حوالے سے انگریزی میں ایک دلچسپ مضمون یہاں [Of days gone by] تحریر کیا ہے۔
یوں تو "شمع" کے تقریباً 60 عدد قدیم شمارے مشہور و مقبول ویب سائٹ "ریختہ" پر آن لائن مطالعہ کے لیے موجود ہیں۔ مگر اب تک کوئی شمارہ پی۔ڈی۔ایف فائل کی شکل میں انٹرنیٹ پر ایسا نہیں تھا کہ جسے ڈاؤن لوڈ کر کے موبائل، ٹیب، لیپ ٹاپ یا ڈیسک ٹاپ پر اس کا آف لائن مطالعہ کیا جا سکے۔
لہذا آج سے ٹھیک 30 سال قبل کے شمارہ (شمع، جنوری 1989) کو پی۔ڈی۔ایف فائل کی شکل میں قارئینِ تعمیرنیوز و شائقین مطالعہ کی خدمت میں بطور 'تحفۂ سالِ نو' پیش کیا جا رہا ہے۔
***
نام رسالہ: شمع - جنوری 1989
مدیر: یونس دہلوی (بانی: یوسف دہلوی مرحوم)
تعداد صفحات: 86
پی۔ڈی۔ایف فائل حجم: تقریباً 21 میگابائٹس
ڈاؤن لوڈ لنک: (بشکریہ: archive.org)
Shama_Jan1989.pdf
ماہنامہ 'شمع' - جنوری 1989 :: فہرست | |||
---|---|---|---|
نمبر شمار | تخلیق | تخلیق کار | صفحہ نمبر |
1 | سرورق | ادارہ شمع | 1 |
2 | اشتہار - شمع کہانی نمبر | ادارہ شمع | 2 |
3 | فہرست مضامین | ادارہ شمع | 3 |
4 | اشتہار - پی۔ڈی۔ایف فائل شمع | taemeernews.com | 4 |
5 | اشتہار - رجنی گندھا | ادارہ شمع | 5 |
6 | سال نو - 1989 - فلمی ستاروں کی تمنا | ادارہ شمع | 6 |
7 | پرانے امیتابھ بچن کے بارے میں نئی باتیں | ایس این کھوسلہ | 10 |
8 | عامر خان پوسٹر | ادارہ شمع | 16 |
9 | ستاروں کی دنیا | مسافر | 17 |
10 | نظم : بیادِ حضرت رئیس امروہوی | باوا کرشن گوپال مغموم | 25 |
11 | میں ونود کھنہ سے شادی نہیں کر رہی ہوں - امرتا سنگھ | ورتی | 27 |
12 | بازگشت | ادارہ شمع | 31 |
13 | نظم : جدائی کا خط | صلاح الدین پرویز | 37 |
14 | کہانی : کٹی زبانیں | عزیز قیسی | 39 |
15 | کہانی : شناختی کارڈ | ڈاکٹر کیول دھیر | 43 |
16 | دو نظمیں ، ایک غزل | عاصی رضوی، شریف قریشی ، نیاز جےراج پوری | 49 |
17 | بلاعنوان کہانی | رئیس نجمی امروہوی | 51 |
18 | چار نظمیں | رفعت، ناہید، انجم ، نور | 57 |
19 | کہانی : قاتل | عبدالغنی شیخ | 59 |
20 | بزم شمع | ادارہ شمع | 63 |
21 | خبریں ہی خبریں | ادارہ شمع | 67 |
22 | ٹی وی کی دنیا | ادارہ شمع | 69 |
23 | جی ایم درانی کی کچھ یادیں کچھ باتیں | راجیو مرزا | 73 |
24 | شمع ادبی معمے (صفحہ 77 تا 85) | ادارہ شمع | 77 |
25 | پس ورق | ادارہ شمع | 86 |
Shama magazine Delhi, issue: January 1989, pdf download.
کوئی تبصرے نہیں:
ایک تبصرہ شائع کریں