ایک حلفیہ بیان - اقبال مجید - تعارف کتاب

اقبال مجید کا افسانوی مجموعہ "ایک حلفیہ بیان" کا تعارف پیش خدمت ہے۔
اس مجموعہ میں سولہ (16) افسانے شامل ہیں اور کتاب کے صفحات کی تعداد 213 ہے۔
اقبال مجید کا ایک حلفیہ بیان - تازہ منظرنامہ - مہدی جعفر

معروف ادیب اقبال مجید (پ: 12/جولائی 1934)
کا جمعہ 18/جنوری 2019 کو بھوپال میں انتقال ہو گیا۔ وہ کافی عرصے سے زیرعلاج تھے۔ جمعہ کو اچانک ان کی طبیعت ناساز ہوئی اور بھوپال کے اسپتال میں انہوں نے آخری سانس لی۔
اردو ادب کی تقریباً نصف صدی سے خدمت انجام دے رہے اقبال مجید کے انتقال سے جہاں ادبی دنیا میں غم کی لہر دوڑ گئی ہے وہیں اردو فکشن کے ایک زریں دور کا خاتمہ بھی ہو گیا ہے۔

اقبال مجید مرادآباد (اترپردیش) میں پیدا ہوئے اور اپنی جوانی کا زیادہ حصہ لکھنؤ اور پھر سیتاپور میں گزارا۔ تکمیل تعلیم کے بعد آل انڈیا ریڈیو میں ملازمت اختیار کی۔
اقبال مجید اردو افسانہ نگاروں کی اس صنف سے تعلق رکھتے ہیں جنہوں نے کرشن چندر، راجندر سنگھ بیدی، سعادت حسن منٹو، عصمت چغتائی وغیرہ کے فوراً بعد قرۃ العین حیدر، غلام عباس، جیلانی بانو، رتن سنگھ، قیصر تمکین، عابد سہیل، جوگندر پال، غیاث احمد گدی اور قاضی عبدالستار وغیرہ کے تقریباً ساتھ ساتھ اردو افسانے کو زندہ رکھنے اور اسے معیار عطا کرنے میں نمایاں کردار ادا کیا ہے۔

اقبال مجید نے براڈکاسٹنگ کی دنیا میں سالہا سال تک دھوم مچائے رکھی اور کامیاب ترین ریڈیو پروگرام پروڈیوسر کے طور پر شناخت حاصل کی۔ اردو کے بہت سے بہترین ڈرامے ان کے زور قلم کا نتیجہ ہیں۔ کئی بہترین ٹی۔وی سیرئیلز اور ٹیلی فلمیں ان کی تخلیق ہیں۔ افسانوں کے علاوہ "کسی دن" جیسا پراثر ناول اور "نمک" جیسا دلسوز ناولٹ تخلیق کیا۔
"نمک" پر "زہرہ محل" کے نام سے ایک اچھا سیرئیل ان کی ہدایت اور منظرنامے کے ساتھ ای۔ٹی۔وی (اردو) پر عرصہ دراز تک ٹیلی کاسٹ ہوتا رہا اور یوں اردو کے مقبول ترین سیرئیلز میں شمار ہوا۔
اقبال متین کو ان کی ادبی خدمات پر بہادر شاہ ظفر ایوارڈ کے علاوہ کئی انعامات و اعزازات سے بھی نوازا گیا تھا۔

اس کتاب کا تعارف، اشاعتی کوائف، فہرستِ مضامین اور دیگر معلومات علمی، ادبی اور تحقیقی استفادے کے لیے پیش کی جا رہی ہیں۔

***
نام کتاب: ایک حلفیہ بیان
مصنف: اقبال مجید
تعداد صفحات: 213
Aik_Halfiya_Bayan_Iqbal_Majeed

ایک حلفیہ بیان - از: اقبال مجید :: فہرست مضامین
نمبر شمار	عنوان	صفحہ نمبر
الف	کچھ غیرضروری باتیں (اقبال مجید)	7
ب	تازہ منظرنامے (مہدی جعفر)	9
شہر معنی
1	میراث	19
2	آخری پتہ	31
3	شرمندگی	45
4	غم	55
5	ابھی ابھی	65
6	پوشاک	75
7	سب اکیلے ہیں	87
دشت معنی
8	مدافعت	101
9	ہائی وے پر ایک درخت	113
10	ایک حلفیہ بیان	119
11	ملک یاقوت کا نوحہ	129
12	ایک قتل کی کوشش	137
13	پیشاب گھر آگے ہے	149
14	خدا عورت اور مٹی	157
15	جنگل کٹ رہے ہیں (1)	163
16	جنگل کٹ رہے ہیں (2)	181