پی ٹی آئی
اسلامک اسٹیٹ( آئی ایس) نے آج بنگلہ دیش میں ایک شیعہ مسجد پر حملہ کی ذمہ داری قبول کرلی ہے جس میں ایک شخص ہلاک ہوا ۔ دہشت گرد گروپ سے جڑے سلسلہ وار واقعات میں یہ تازہ واقعہ ہے۔ کل رات دوران نماز بندوق برداروں کی فائرنگ میں70سالہ امام مسجد، اور دیگر3زخمی ہوئے ۔ سائٹ انٹلیجنس گروپ نے کہا کہ اسلامک اسٹیٹ (آئی ایس) نے26نومبر 2015کو بنگلہ دیش کے ضلع بوگرا میں ایک شیعہ مسجد پر حملہ کی ذمہ داری لی ہے ۔ ڈیلی اسٹار نے یہ اطلاع دی ۔ ضلع بوکرا کے شب گنج کی ایک مسجد میں تین بندوق برداروں نے اس وقت گولیاں چلائیں جب وہاں شیعہ مسلمان شام کے وقت نماز ادا کررہے تھے ۔ قاتل مسجد کی مین گیٹ کو اندر سے بندر کر کے دیوار پھلانگ کر فرار ہوگئے تاکہ پڑوسی مدد کو نہ آسکیں ۔ امام مسجد، معظم حسین کی جان گئی جب کہ بندوق کی گولیوں سے زخمی دیگر تین افراد کی حالت ڈاکٹروں نے خطرہ سے باہر بتائی ہے ۔ وزیر اعظم بنگلہ دیش شیخ حسینہ نے بوگرا حملہ کے بعد اپنے بیان میں کہا کہ مسجدوں پر حملے کرنے والے سچے مسلمان نہیں ہوسکتے ۔ انہوں نے قانون نافذ کرنے والی ایجنسیوں کو حکم دیا کہ وہ واقعہ کی تحقیقات کریں ۔
Islamic State claims responsibility for Bangladesh mosque attack
کوئی تبصرے نہیں:
ایک تبصرہ شائع کریں