یو این آئی
2001کی مردم شماری کے مطابق کم ازکم25فیصد اقلیتی آبادی والے90ایسے شہروں اور قصبوں کی نشاندہی کی گئی ہے جہاں اقلیتوں کی سماجی و اقتصادی صورتحال نیز انہیں ملنے والی بنیادی سہولیات قومی اوسط سے کم ہے ۔ اقلیتی امور کی وزارت ان تمام اقلیتی مرکوز اضلاع میں کثیر شعبہ جاتی ترقیاتی پروگرام( ایم ایس ڈی پی) کو نافذ کررہی ہے ۔ مزید برآں اقلیتی امور کی وزارت کل66اقلیتی مرکوز شہروں میں سے55ضلعوں میں ایم ایس ڈی پی کو فی الحال نافذ کررہی ہے ۔ واضح رہے کہ گیارہویں پنج سالہ منصوبہ کے دوران سال2012-13میں90اقلیتی مرکوز اضلاع کی شناخت کی گئی جہاں کثیر شعبہ جاتی ترقیاتی پروگرام( ایم ایس ڈی پی) کو نافذ کیا گیا۔ سال2013-14کے دوران اس پروگرام کی تشکیل نو ہوئی ۔ یہ اطلاع لوک سبھا میں اقلیتی امور کے وزیر مملکت مختار عباس نقوی نے دی۔
90 districts identified minority population
کوئی تبصرے نہیں:
ایک تبصرہ شائع کریں