نئی دہلی
(ایجنسیاں)
وزیراعلی بنگال اورترنمول کانگریس چیف ممتابنرجی نے آج منگل کویہاں پارلیمنٹ ہاؤس کے باہرمیڈیا کے سوالوں کاجواب دیتے ہوئے صاف صاف کہہ دیاکہ اگلے لوک سبھا الیکشن کے لیے ان کی پارٹی نہ کانگریس کے پاس جائے گی اورنہ بی جے پی کے ساتھ جائے گی بلکہ تنہاالیکشن لڑے گی۔ساتھ انہوں نے یہ بھی کہاکہ عوام نے یوپی اے حکومت کے خلاف عدم اعتمادکااظہارکردیاہے اس لیے اب پارلیمنٹ میں اس کی پیشی کی ضرورت نہیں ہے۔ممتابنرجی سے جب پوچھاگیاکہ آندھراپردیش کوتقسیم کرنے کے مسئلے میں یوپی اے سرکارکے خلاف گذشتہ کل کانگریس سیماندھراکے ممبران پارلیمنٹ نے جو تحریک عدم اعتمادپیش کی ہے کیاان کی پارٹی اس کی جمایت کرے گی توانہوں نے کہاکہ اس کی کیا ضرورت ہے،عوام نے توموجودہ حکومت کے خلاف عدم اعتمادکااظہارکرہی دیاہے۔پارلیمنٹ میں ممتابنرجی نے آج منگل کے روزبی جے پی لیڈروں راج ناتھ سنگھ اورایل کے اڈوانی کے علاوہ وائی ایس کے چیف جگن موہن کے ساتھ ملاقات کی۔حکومت کے خلاف تحریک عدم اعتمادپیش کرنے والے سیماندھراکے ممبران پارلیمنٹ نے بھی ممتابنرجی کے ساتھ ملاقات کی اوران کی حمایت طلب کی۔ذرائع کے مطابق وزیراعلی نے مبینہ طورپران کی پیش کردہ تحریک کی ایوان میں حمایت کرنے سے معذوری ظاہرلیکن ان کے کازکی حمایت کرنے کایقین دلایا۔
2013-12-11
تاریخ اشاعت : 2013-12-11
زمرہ
east-west-india
ترنمول تنہا لڑے گی اگلا لوک سبھا الیکشن دہلی میں ممتا بنرجی کا اعلان
سبسکرائب کریں در:
تبصرے شائع کریں (Atom)
Author Details
Templatesyard is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates which are professionally designed and perfectlly seo optimized to deliver best result for your blog.
کوئی تبصرے نہیں:
ایک تبصرہ شائع کریں