چار ریاستوں میں حکومت سازی کے لیے بی۔جے۔پی کی تیاریاں شروع

8/دسمبر نئی دہلی پی۔ٹی۔آئی

پرجوش بی جے پی نے آج حکومت سازی کی تیاریوں کا آغازکردیا ہے اور پارٹی صدر راج ناتھ سنگھ نے ان چار ریاستوں کیلئے مبصرین کو مقرر کیا ہے جہاں پارٹی کامیاب رہی۔ پارلیمانی بورڈ کے اجلاس کے بعد راج ناتھ سنگھ نے کہاکہ مجھے یہ واضح کرنے دیجئے کہ ہم تمام 4 ریاستوں میں حکومتیں بنائیں گے اور وہاں ہمارے چیف منسٹر ہوں گے۔ سرکردہ قائدین بشمول چیف منسٹر گجرات نریندر مودی نے تشکیل حکومت کے ضوابط کی تکمیل کیلئے دہلی‘ راجستھان‘ مدھیہ پردیش اور چھتیس گڑھ میں مصبرین روانہ کرنے کافیصلہ کیا ہے۔ راج ناتھ سنگھ نے کہاکہ سشما سوراج‘ راجیوپرتاب روڈی اور اننت کمار مبصرین کی حیثیت سے مدھیہ پردیش جائیں گے۔ وینکیا نائیڈو‘ جے پی ندا اور دھرویندر پردھیان چھتیس گڑھ جائیں گے‘ ارون جیٹلی‘ امیت شاہ اور کپتان سنگھ سولنکی راجستھان اور نتن گڈکری اور تھاور چند گیہلوٹ دہلی جائیں گے۔

BJP will form governments in all 4 states