Crisis of salt in West Bengal denied
مغربی بنگال میں نمک کی قلت نہیں ہونے کا تیقن دیتے ہوئے ریاستی وزیرغذاورسدجیوتی پریہ ملک نے کہاکہ ریاست کے پاس تقریباایک سال کا ذخیرہ ہے۔محکمہ کے عہدیداروں کے ساتھ اجلاس کے بعد اخباری نمائندوں سے بات چیت کرتے ہوئے ملک نے کہاکہ نمک کا خاطر خواہ ذخیرہ ہے۔ریاست میں نمک کے موجودہ ذخیرہ سے ہم تقریباایک سال کی ضرورت کی تکمیل کرسکتے ہیں۔انہوں نے کہاکہ چیف منسٹر ممتابنرجی نے انہیں فون کرتے ہوئے صورت حال سے نمٹنے کے لیے رہنمایانہ خطوط دئیے ہیں۔انہوں نے کہاکہ یہ صورتحال بعض سیاسی جماعتوں کی جانب سے عوام میں پھیلائی گئی افواہوں کے سبب پیداہوئی ہے۔ملک نے کہاکہ ان کامحکمہ منگل کو صورت حال سے متعلق ایک رپورٹ چیف منسٹر کو پیش کرے گا۔
کوئی تبصرے نہیں:
ایک تبصرہ شائع کریں