حلیف جماعتوں کے ساتھ تنازعہ - بی۔جے۔پی کو شیوسینا کا انتباہ

17/اپریل ممبئی پی۔ٹی۔آئی

این ڈی اے کی حلیف جماعتوں کا ارجن کی رتھ کے گھوڑوں سے تقابل کرتے ہوئے شیوسینا نے آج انتباہ دیا کہ بی جے پی کو وزارت عظمی کے امیدوار کے مسئلہ پر حلیفوں کو اعتماد میں لینا چاہئے ورنہ ایک مہا بھارت چھڑ سکتی ہے۔ وزارت عظمی کیلئے نریندر مودی کے امیدواری پر بی جے پی اور جنتادل یو میں تکرار کے درمیان شیوسینا نے الجھن دور کرنے کیلئے اپوزیشن اتحاد کا ایک اجلاس طلب کرنے پر زور دیا۔ شیوسینا نے پارٹی ترجمان سامنا کے ادارے میں لکھا "بی جے پی کو اپنے امیدوار وزیراعظم کو نامزد کرنے کا حق ہے لیکن وہ اپنے بل پر ایسا نہیں کرسکتی۔ این ڈی اے ارجن کی رتھ ہے اور اس کے کئی گھوڑے (حلیف) کی مہابھارت ہوگی اور رتھ کا پہیہ پھنس جائے گا"۔ اداریہ میں مزید لکھا گیا "ایک طرف یوپی اے ایک آواز میں بات کررہی ہے ان کے ذہنوں میں ایک بات ہوسکتی ہے، ہونٹوں پر کچھ اور۔ لیکن فی الحال تمام کٹھی پتلی منموہن سنگھ کے پیچھے ہیں جب کہ این ڈی کا معاملہ یہ ہے کہ ہر کوئی اپنا ڈرام پیٹ رہا ہے ار عوام کے کان کے پردے پھاڑ رہا ہے، یہ کوئی صحیح تصویر نہیں ہے"۔ شیوسینا جو بی جے پی کی سب سے قدیم جماعت ہے، سامنا میں لکھا کہ پارٹی میں بہت زیادہ الجھن پائی جاتی ہے۔ امیدوار وزیراعظم کے مسئلہ پر این ڈی اے کے اندر خلفشار ہے۔ یادرہے کہ سامنا نے گجرات میں 2002ء کے فرقہ وارانہ فسادات پر مودی کے خلاف تنقید کا دفاع کرتے ہوئے اداریہ لکھا تھا اور کہا تھا کہ مابعد گودھرا فسادات سابرمتی ایکسپریس کو جلانے کا ردعمل ہے۔

​Shiv Sena tells BJP to take allies in confidence