Pak police files case against 4 papers under anti-terrorism law
پاکستانی پولس نے ایک انسداد دہشت گردی قانون کے تحت ملک کے 4روزناموں کے خلاف ایک کیس درج کیا ہے ۔ ان اخبارات میں سب سے زیادہ شائع ہونے والا روزنامہ جنگ بھی شامل ہیں ۔ روزناموں پر ممنوعہ عسکریت پسند گروپس کے بیانات اور پریس ریلیزکی اشاعت کا الزام ہے ۔ عہدیداروں نے صحافیوں کو بتایاکہ جنگ، مشرق، انتخاب اور سنچری ایکسپریس کے خلاف کیس کوئٹہ میں درج ہوا۔ ایف آئی آر میں ان اخباروں کے پرنٹرس، پبلشرس اور رپورٹرس کو نامزد کیا گیا ہے ۔ پولیس عہدیداروں نے بتایاکہ عدالتی حکامات کے باوجود اخبارات میں ممنوعہ عسکریت پسند تنظیموں اور اداروں کے بیانات اور پریس ریلیز کی اشاعت جاری تھی۔ ان روزناموں نے حال ہی میں جیش الاسلام کا ایک بیان شائع کیا تھا۔ بیان میں عسکریت پسندوں نے کوئٹہ میں ڈی ایس پی عامر محمد دستی اور ان کے ایک باڈی گارڈ کو 8اپریل کو ہلاک کرنے کی ذمہ داری قبول کی تھی۔
کوئی تبصرے نہیں:
ایک تبصرہ شائع کریں