Akbaruddin Owaisi summoned by Bangalore court
بنگلور سٹی چیف میٹرو پالیٹین مجسٹریٹ نے آندھراپردیش کے رکن اسمبلی اکبر الدین اویسی کو ایک پرائیوٹ شکایت پر حاضری کا نوٹس جاری کیا ہے ۔ اس شکایت میں کہا گیا ہے کہ رکن اسمبلی اور مجلس اتحادالمسلمین کے لیڈر اکبر الدین اویسی نے آندھراپردیش کے نرمل میں اجلاس عام کے دوران اشتعال انگیز بیانات دئیے تھے جس سے فرقہ وارانہ ہم آہنگی کو خطرہ پیدا ہوتا ہے ۔ چیف میٹرو پولٹین مجسٹریٹ راج شیکھر وی پاٹل نے چہارشنبہ کے دن سمن جاری کر کے اویسی کو 23فروری کو حاضر ہونے کی ہدایت دی۔ عدالت نے کہا ہے کہ اویسی آندھرا پردیش کو ڈائرکٹر جنرل آف پولیس کے ذریعہ پیش کئے جائیں ۔ دو ہفتے قبل شہر کے دو وکیلوں دلیپ اور دھرم پال کی طرف سے دائر عرضی کے بعد عدالت نے حکم دیا ہے ۔
کوئی تبصرے نہیں:
ایک تبصرہ شائع کریں