ہندوؤں کے مذہب میں قربانی - از پروفیسر معین الدین احمد - پی۔ڈی۔ایف ڈاؤن لوڈ

تعارف کتاب ٹی۔این۔بی

ہندو مذہب کے مہاتماؤں کا قول ہے کہ "اہنسا پرمو دھرما" یعنی ایذا نہ پہنچانا ہی سچا دھرم ہے۔ جبکہ "اہنسا" اور "یدنیہ (قربانی)" کے مفہوم میں زمین و آسمان کا فرق ہے۔ جانوروں کی قربانی کا ذکر تو جابجا ہندو مذہب کی کتابوں میں موجود ہے۔
ولسن کالج بمبئی کے فارسی کے پروفیسر معین الدین احمد نے اسی موضوع یعنی "ہندوؤں کے مذہب میں قربانی" پر ہندو مذہبی کتب کے حوالے سے ایک کتاب بعنوان "ہندو دھرم میں یدنیہ" 1925ء میں تحریر کی تھی جو اس موضوع سے دلچسپی رکھنے والے قارئین، طلبا، محققین اور ریسرچ اسکالرز کے لیے تعمیرنیوز کی جانب سے پی۔ڈی۔ایف فائل کی شکل میں پیش ہے۔ تقریباً پونے دو سو صفحات کی اس کتاب کا حجم صرف 7 میگابائٹس ہے۔
کتاب کا ڈاؤن لوڈ لنک نیچے دیا گیا ہے۔

یدنیہ (قربانی) سے متعلق باب کے چند اقتباسات ذیل میں ملاحظہ کیے جا سکتے ہیں ۔۔۔

یَدنِیہ کا مادہ "یج" ہے جس کے معنی قربانی کرنے کے ہیں۔ اسی مادہ سے "یدنیہ" اسم بنایا گیا ہے۔

بھگوت گیتا میں لکھا ہے:
میں ہی یدنیہ خور ہوں۔ میں ہی سب کا مالک ہوں۔ یعنی یدنیہ خود خدا ہے۔

اسی طرح بھگوت پران میں لکھا ہے:
اے ایشور تو ہی یدنیہ ہے۔ تو ہی ہومی ہے۔ تو ہی آگ ہے۔ تو ہی منتر ہے۔ تو ہی ہیزم ہے۔ تو ہی وربھ گھاس ہے۔ تو ہی پاتر (ظروف) ہے۔ تو ہی دمپتی (میاں بیوی جھبان) ہے۔ تو ہی دیوتا ہے۔ تو ہی اگنی ہوترم ہے۔ تو ہی سودھا (آبا و اجداد کا نذرانہ) ہے۔ تو ہی سومہ (ایک قسم کی منشی نباتات کا عرق جو قربانی میں پجاری لوگ پیا کرتے تھے) ہے۔ تو ہی گھی ہے۔ تو ہی یدنیہ پشو (قربانی کا جانور) ہے۔

بھگوت-4 میں لکھا ہے ۔۔۔
اے ایشور تیری ماہیت کو ہم نہیں جان سکتے۔ لیکن ان تین ویدوں کی پیدا کی ہوئی دھرم کی علامت یدنیہ سے جس کے اندر تو خود موجود ہے، ہم تجھے پہچانتے ہیں۔
خود برہما نے یدنیہ کا حکم دیا۔ اور یدنیہ برہما ہی کی نذر کی جاتی ہے۔ تمام مخلوقات کی ہستی یدنیہ پر منحصر ہے۔ اور یدنیہ کی مخلوقات پر۔
جو قربانی نہیں کرتا وہ اِس جہاں اور اُس جہاں دونوں سے محروم رہتا ہے (بھگوت گیتا و شانتی پروہ)۔ وید کے عالم گواہ ہیں کہ جو لوگ قربانی نہیں کرتے وہ دونوں جہانوں کو کھو دیتے ہیں۔
انسان کے ساتھ قربانی کو پیدا کر کے برہما نے ہدایت کی کہ یہ قربانی تمہاری مرادیں پوری کرنے والی ہے۔ یدنیہ کرو اور پھولو پھلو۔ یدنیہ کر کے تم دیوتاؤں کو نذرانہ دو۔ اور دیوتا تمہیں برکت دے کر نہال کریں۔
جو برہمن وید شاستر کے حکم کے مطابق قربانی کرتا ہے، اس کو ہرگز گناہ نہیں ہوتا اور اس کا درجہ قربانی کا کام کرنے سے نہیں گھٹتا بلکہ بڑھتا ہے اور وہ ذبیحہ کے ساتھ ساتھ بہشت میں جا پہنچتا ہے۔

***

نام کتاب: ہندو دھرم میں یدنیہ (ہندوؤں کے مذہب میں قربانی)
مرتبہ: پروفیسر معین الدین احمد
مطبوعہ: کوآپریٹیو پرنٹنگ اسٹیم پریس، لاہور (سن اشاعت: مئی 1925ء)
تعداد صفحات: 180
پی۔ڈی۔ایف فائل حجم: تقریباً 7 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Animal Sacrifice In Hindu Religion Urdu.pdf

Direct Download link:

GoogleDrive Download link:

فہرست
نمبر شمار	عنوان	صفحہ نمبر
الف	دیباچہ	5
1	ہندو دھرم میں یدنیہ	29
2	یدنیہ کے کیا معنی ہیں	55
3	یدنیہ سے کیا مراد ہے؟	56
4	یدنیہ خود پرمیشور ہے اور وہ یدنیہ سے پہچانا جاتا ہے	57
5	برہما کے حکم سے یدنیہ کی جاتی ہے	57
6	جو قربانی نہیں کرتا وہ دونوں جہاؤں کو کھو بیٹھتا ہے	58
7	یدنیہ کی عظمت	58
8	قربانی کرنا لازمی ہے	59
9	یدنیہ کے فوائد	61
10	یدنیہ سے بہشت ملتا ہے	61
11	قربان گاہ کو بہشت سمجھو	62
12	قربانی بغیر، بہشت میسر نہیں آ سکتا	62
13	پاکیزہ جانور ذبح کرنا برہمنوں کا فرض ہے	63
14	قربانی کا منکر چور ہے	63
15	قربانی کا گوشت کھانا لازم ہے	64
16	روزمرہ گوشت کھانا بھی گناہ نہیں	65
17	نیا ناج اور جانور کی قربانی	65
18	قربانی کو ایذا نہ کہنا چاہیے	66
19	قربانی سے پہلے نیت اور مقصد	71
20	کن کن جانوروں کی قربانی ہو سکتی ہے	73
21	جانور چار موقعوں پر حلال کیے جائیں	91
22	چار قربانیوں کی تفصیل	92
23	مدھو پرکہ کی مثالیں	93
24	جانور ذبح کرنے کا دوسرا موقع	106
25	گائے کی عظمت اور قربانی	116
26	گائے کی قربانی کی عظمت	121
27	انسان کی قربانی	122
28	جانور کی قربانی اور گوشت کھانے کا رواج	129
29	کشتریوں کے محاورہ میں قربانی کا استعارہ	131
30	شری کرشن نے بیل مار ڈالا	136
31	بہشتی گوشت کا کھانا	136
32	گنگا کی پوجا میں گوشت کا نذرانہ	142
33	جانور ذبح کرنے کا تیسرا اور چوتھا موقع	144
34	شرادھ کے ساتھ گوشت کا لزوم	145
35	گائے کے گوشت کا شرادھ	146
36	شرادھ اور نذرانہ کی مثالیں	147
37	ہوی کے معنی اور اس کا استعمال	148
38	ہوی کی ترتیب	149
39	ہوی کے لائق اشیا	150
40	ہوی کا فائدہ	151
41	قربانی اور اس کے بند ہونے پر ایک سرسری نظر	151
42	یوگی کے قربانی سے ڈرنے کا سبب	169
ب	کتاب کا انگریزی تعارف	171

Animal Sacrifice In Hindu Religion, an Urdu book by Prof. Moinuddin Ahmad, urdu pdf download.