ریاست کرناٹک سے تعلق رکھنے والے شاعر و ادیب، محقق و نقاد ہیں جو ان دنوں داونگرے (کرناٹک) کے ایس۔کے۔اے۔ایچ ملت پری یونیوسٹی کالج میں پرنسپل کے عہدہ پر فائز ہیں۔ تنقید و تحقیق کے میدان میں ان کی شائع شدہ کچھ کتابوں میں "نقد و بصیرت" ایک اہم کتاب ہے جن میں 18 تحقیقی و تنقیدی مضامین شامل ہیں۔
ڈاکٹر داؤد محسن کی اجازت اور تعاون سے یہ کتاب باذوق قارئین اور اردو ادب کے محققین و ریسرچ اسکالرز کے لیے تعمیرنیوز کی جانب سے پی۔ڈی۔ایف فائل شکل میں پیش خدمت ہے۔ تقریباً تین سو صفحات کی اس پی۔ڈی۔ایف فائل کا حجم صرف 9 میگابائٹس ہے۔
کتاب کا ڈاؤن لوڈ لنک نیچے درج ہے۔
کتاب کے مصنف ڈاکٹر داؤد محسن دیباچہ بعنوان "بیاں اپنا" میں لکھتے ہیں ۔۔۔میں نے شاعری بھی کی، افسانے لکھے ، تراجم کیے، تنقید بھی کی ، تبصرے بھی لکھے، تحقیق بھی کی، خاکے بھی لکھے اور اقبالیات میں بھی سر کھپایا، اس طرح شعری کاوشیں اور سینکڑوں تحقیقی و تنقیدی مضامین وجود میں آئے جو ریاست و بیرون ریاست کے مقتدر اخبارات و جرائد و رسائل میں اشاعت پذیر ہوئے اور شرف قبولیت خاص و عام ہوئے۔ "فن ترجمہ نگاری" پر تحقیقی مراحل طے کر کے پی۔ایچ۔ڈی کی ڈگری بھی حاصل کی۔
اردو پڑھنا پڑھانا صرف میرا شوق نہیں بلکہ پیشہ بھی ہے۔ اردو کے شوق نے بی۔ایس۔سی کا گریجویٹ ہونے اور میتھمیٹکس (ریاضی) میں سو فی صد نشانات حاصل کرنے اور ایم۔ایس۔سی (میتھس) کرنے کے بجائے اردو میں ایم۔اے کرنے پر آمادہ کیا۔ اللہ و رسولؐ کے فضل و کرم سے کامیابی بھی نصیب ہوئی اور میرا تقرر بحیثیتِ اردو لکچرر ہوا۔ لہذا میں نے صدر شعبہ اردو کی حیثیت سے شہر داونگرہ کے ایس۔ کے۔ عبدالحمید ملت پری یونیورسٹی کالج میں 19 سال خدمات انجام دیئے اور 2 مئی 2007ء سے اسی کالج میں بحیثیت پرنسپال خدمات انجام دے رہا ہوں۔
میرے اثاثے میں سینکڑوں تنقیدی و تحقیقی مضامین ، طنزیہ و مزاحیہ اور سنجیدہ کہانیاں، افسانے، کنڑا سے اردو اور اردو سے کنڑا تراجم، کتابوں پر تبصرے اور تنقید ، علامہ اقبال پر تحقیقی و تنقیدی مضامین، ادبی شخصیات پر خاکے اور کئی نظمیں اور غزلیں موجود ہیں۔
زیر نظر کتاب "نقد و بصیرت" میں میرے وہ مضامین شامل ہیں جو وقتاً فوقتاً ضرورت کے تحت لکھے گئے۔ ان میں ان مضامین کی کثرت ہے جو مختلف یونیورسٹیوں اور کالجوں میں منعقد کردہ قومی اور ریاستی سمیناروں میں پڑھنے کے لئے لکھے گئے۔ جن کی کافی پذیرائی بھی ہوئی اور ان میں سے چند مضامین اہتمام کے ساتھ یونیورسٹیوں کے ماتحت کتابی صورت میں شائع بھی کیے گئے۔
ان مضامین کو یکجا کرنے کا مقصد یہ ہے کہ اس طرح کے مضامین کی آج ضرورت ہے جن سے طالب علموں اورمحققین کو مدد مل سکتی ہے۔ اسی مقصد کے تحت میں نے انہیں کتابی صورت میں منظر عام پر لانے کا ارادہ کیا ہے۔
***
نام کتاب: نقد و بصیرت (تنقیدی و تحقیقی مضامین)
مصنف: ڈاکٹر بی۔ محمد داؤد محسن (موبائل: 09449202211)
تعداد صفحات: 280
پی۔ڈی۔ایف فائل حجم: تقریباً 9 میگابائٹس
ڈاؤن لوڈ لنک: (بشکریہ: archive.org)
Naqd O Baseerat by Davood Mohsin.pdf
| نقد و بصیرت - مضامین از ڈاکٹر بی۔ محمد داؤد محسن :: فہرست | ||
|---|---|---|
| نمبر شمار | تخلیق | صفحہ نمبر |
| الف | بیاں اپنا (از: ڈاکٹر بی محمد داؤد محسن) | 8 |
| ب | ڈاکٹر بی محمد داؤد محسن: ایک ہمہ جہت شخصیت (از: سر قاضی سید قمر الدین قمر) | 13 |
| 1 | جدیدیت، مابعد جدیدیت اور عصری تقاضے | 28 |
| 2 | تاریخ زبان اردو | 40 |
| 3 | شاعری کا بدلتا تخلیقی منظرنامہ (1980ء کے بعد) | 58 |
| 4 | مشترکہ تحقیق: معنویت اور اہمیت | 73 |
| 5 | قرآن شریف کے تراجم | 85 |
| 6 | نعتیہ شاعری: افادیت و مقصدیت | 104 |
| 7 | افسانہ کے جواز میں | 114 |
| 8 | اردو تنقید نگاری: رجحانات و میلانات | 124 |
| 9 | اردو غزل | 135 |
| 10 | اردو غزل میں تصورِ عشق | 147 |
| 11 | نظم، نظمِ معریٰ اور نظمِ آزاد کی روایت | 167 |
| 12 | خاکہ نگاری کا فن اور ارتقا | 176 |
| 13 | انٹرویو نگاری: فن اور روایت | 188 |
| 14 | اردو تراجم کا سکیولر کردار | 218 |
| 15 | ماہئیے کی ہئیت | 234 |
| 16 | ادب اطفال کا منظرنامہ | 242 |
| 17 | ادب اطفال کی خصوصیات | 254 |
| 18 | سنیما اور اردو زبان و ادب | 267 |
Naqd O Baseerat, Urdu Essays by Davood Mohsin, pdf download.
کوئی تبصرے نہیں:
ایک تبصرہ شائع کریں