بمبئی آئی۔آئی۔ٹی کے بی۔ٹیک گریجویٹ کانیشک کتاریہ [Kanishak Kataria] نے ملک بھر میں اول مقام حاصل کیا ہے۔ دوسرے مقام پر آئی۔آئی۔ٹی گوہاٹی کے اکشت جین [Akshat Jain] اور تیسرا مقام، جامعہ ملیہ اسلامیہ کی کوچنگ اکیڈمی سے تربیت پانے والے اترپردیش کے جنید احمد [Junaid Ahmad] نے حاصل کیا۔
پانچویں مقام پر فائز سرشتی جینت دیشمکھ [Srushti Jayant Deshmukh] نے خاتون امیدواروں میں اول درجہ حاصل کیا ہے۔
انڈین سول سروسز (آئی۔اے۔ایس، آئی۔ایف۔ایس، انڈین پولیس سروس اور گروپ اے۔ اور بی۔ کی مرکزی حکومت کی خدمات) کے اس باوقار مسابقتی امتحان میں اس سال جملہ 759 امیدواروں کا انتخاب ہوا ہے جن میں 577 مرد اور 182 خواتین شامل ہیں۔ کامیاب مسلم امیدواروں کی تعداد 28 ہے۔
(کامیاب مسلم امیدواروں کی مکمل فہرست نیچے ملاحظہ فرمائیں)۔
اترپردیش کے ضلع بجنور کے قصبہ نگینہ سے تعلق رکھنے والے جنید احمد نے پانچویں مرتبہ کی کوشش میں یہ اعلیٰ مقام (درجۂ سوم) حاصل کیا ہے۔ اپنی چوتھی کوشش (سول سروسز-2017) میں انہیں 352 واں آل انڈیا رینک حاصل ہوا تھا۔ جنید احمد کے والد جاوید حسین پیشہ کے لحاظ سے وکیل اور والدہ عائشہ رضا گھریلو خاتون ہیں۔ ان کی ایک ہمشیرہ شادی شدہ ، دوسری ایک پرائیویٹ ادارے میں برسر ملازم اور چھوٹا بھائی ارحان بارہویں جماعت میں زیرتعلیم ہے۔
جنید احمد کا تعلق ایک اوسط مسلم خاندان سے رہا ہے۔ وہ اپنی ابتدائی تعلیم ہی سے اوسط درجے کے طالب علم رہے۔ بارہویں جماعت میں وہ محض 60 فیصد نمبرات سے کامیاب ہوئے تھے۔ ایک پرائیویٹ یونیورسٹی سے انہوں نے گریجویشن کی تکمیل کی۔ ان کے کہنے کے مطابق انہوں نے سول سروسز امتحان کی تیاری 2013 سے شروع کر دی تھی مگر کامیابی انہیں اپنی چوتھی بار کی کوشش میں، گذشتہ سال 352 ویں رینک کے ذریعے ملی مگر وہ مطمئن نہیں ہوئے اور یوں پانچویں بار کی کوشش پر ملک بھر میں تیسرا مقام حاصل ہوا ہے۔
واضح رہے کہ 27 سالہ جنید احمد اپنے خاندان کے پہلے شخص ہیں جنہوں نے آئی۔اے۔ایس جیسا اعلیٰ عہدہ حاصل کیا۔ ان کا ایقان ہے کہ اپنی ناکامیوں سے گھبرانا نہیں چاہیے، اگر آپ کے دل میں کچھ کرنے کا جذبہ ہے، زندگی کا کوئی مقصد ہے اور اگر آپ اس مقصد کو پانے کے لیے مکمل لگن اور محنت سے کوشش کر رہے ہیں تو کامیابی ایک نہ ایک دن آپ کے قدم ضرور چومتی ہے۔
یو پی ایس سی ، سول سروسز 2018 نتائج - 28 منتخب مسلم امیدوار | |||
---|---|---|---|
نمبر شمار | نام (اردو) | نام (انگریزی) | رینک |
1 | جنید احمد | JUNAID AHMAD | 3 |
2 | محمد عبدالشاہد | MOHD ABDUL SHAHID | 57 |
3 | گوہر حسن | GAUHAR HASAN | 137 |
4 | عبدالسمیع | AMBUL SAMAIYA | 140 |
5 | شفقت آمنہ | SHAFQAT AMNA | 186 |
6 | ریحانہ بشیر | REHANA BASHIR | 187 |
7 | شیخ محمد زیب ذاکر | SHAIKH MOHD ZAIB ZAKIR | 225 |
8 | سید ریاض احمد | SAYYED RIYAJ AHEMAD | 261 |
9 | بشریٰ بانو | BUSHARA BANO | 277 |
10 | محمد جاوید حسین | MD JAWED HUSSAIN | 280 |
11 | مرزا قادر بیگ | MIRZA QADIR BAIG | 336 |
12 | بابر علی چغتائی | BABAR ALI CHAGATTA | 364 |
13 | محمد ساجد پی۔ | MUHAMMAD SAJAD P | 390 |
14 | شہزاد عالم | SHAHZAD ALAM | 398 |
15 | فراش ٹی۔ | FARASH T | 421 |
16 | محمد عبدالجلیل | MUHAMMED ABDUL JALEEL | 434 |
17 | محمد ہاشم | MOHAMMAD HASHIM | 448 |
18 | شاہد احمد | SHAHID AHMED | 475 |
19 | محمد سرفراز عالم | MD SARFARAZ ALAM | 488 |
20 | ایمن جمال | AYMAN JAMAL | 499 |
21 | ارشی عادل | ARSHI AADIL | 520 |
22 | انصاری زید احمد سعید احمد | ANSARI ZAIDAHMED SAEEDAHMED | 522 |
23 | علی ابوبکر ٹی۔ ٹی۔ | ALI ABOOBACKER T T | 533 |
24 | فیصل خان | FAISAL KHAN | 546 |
25 | باشا محمد بی۔ | BASHA MOHAMMED B | 565 |
26 | محمد توصیف اللہ | MD TAUSIF ULLAH | 579 |
27 | محمد مصطفیٰ اعجاز | MOHAMMED MUSTAFA AEJAZ | 613 |
28 | محمد شاہد رضا خان | MD SHAHID RAZA KHAN | 751 |
UPSC Civil Services 2018, Junaid Ahmad ranked 3rd.
کوئی تبصرے نہیں:
ایک تبصرہ شائع کریں