اس موقع پر خطاب کرتے ہوئے ریاستی وزیر آبپاشی ٹی ہریش راؤ نے بالخصوص مسلمانوں سے خواہش کی کہ وہ رائے دہی میں دلچسپی لیں۔انہوں نے کہا کہ مسلمانوں میں رائے دہی میں کم دلچسپی ان کی ترقی میں ایک بڑی رکاوٹ ہے ۔ ٹی ہریش راؤ نے سوال کیا کہ صدر ٹی ڈی پی اور وزیر اعلیٰ آندھرا پردیش این چندرابابو نائیڈو ، میدک کے ضمنی انتخابات میں بی جے پی امیدوار جگا ریڈی کی انتخابی مہم میں کیوں شرکت نہیں کررہے ہیں ۔ انہوں نے کہا کہ دیگر جماعتیں یہ بات سمجھ چکی ہیں کہ انہیں میدک حلقہ لوک سبھا کے ضمنی انتخابات میں ناکامی کا سامنا ہوگا لہذا بشمول چندرابابو نائیڈو ، پون کلیان اور بی جے پی کے مرکزی قائدین سب ہی جگا ریڈی کی انتخابی مہم میں شرکت سے احتراز کررہے ہیں ۔ ریاستی وزیر فینانس ایٹالہ راجندر نے اپنے خطاب میں کہا کہ صدر ٹی آر ایس کے چندر شیکھر راؤ نے مسلمانوں کی پسماندگی سے متعلق کمیٹی تشکیل دینے کا مطالبہ کیا تھا جس پر سابقہ حکومت نے سچر کمیٹی تشکیل دی ۔ لیکن سچر کمیٹی رپورٹ پر مسلمانوں کو انصاف حاصل نہیں ہوا ۔ انہوں نے کہا کہ اب جب کہ مذکورہ مطالبہ کرنے والے قائد کے چندر شیکھر راؤ خود ہی وزیر اعلیٰ کے عہدہ پر فائز ہوچکے ہیں ، انہوں نے مسلمانوں کی ترقی کے لئے کئی اقدامات کا آغا ز کیا ہے ۔ انہوں نے عوام سے اپیل کی کہ وہ ٹی آر ایس امیدوار کے پربھاکر ریڈی کو ووٹ دیں ۔ اس جلسہ میں صدر تنظیم المساجد سدی پیٹ جناب اعجاز حفیظ نے بھی خطاب کیا۔ اس جلسہ کی صدارت جناب عبدالقار نے کی ۔ جلسہ میں محمد عبداللیف شہید خان ، سید مسکین احمد ، سلطان عارف، علیم الدین سرور، غوث محی الدین ، عبدالرزاق پاشاہ بھائی ، محمد ظہور ، مظفر الدین ، سید اکبر ، جمال الدین، بابو جانی ، اطہر پٹیل شاکر ہ بیگم۔ سابقہ کونسلر شفیق الرحمن، عبدالوحید ، جنید۔ عبدالقادر اور دیگر موجودتھے ۔
TRS calls for the welfare of minorities - Dy CM Mahmood Ali
کوئی تبصرے نہیں:
ایک تبصرہ شائع کریں