یو این آئی
ہندوستان سے جانے والے تمام عازمین کو اس سال صرف5لیٹر آب زمزم لانے کی اجازت دی جائے گی۔ قبل ازیں وہ10لیٹر آب زمزم لاسکتے تھے ۔ اسی دوران سعودی حکومت کے ساتھ30ہزار عازمین کے ویزا کا مسئلہ حل کرلیا گیا ۔ چنانچہ اب تمام ہندوستانی عازمین اس سال حج کے مقدس سفر پر روانہ ہوسکتے ہیں ۔ ریاستی حج کمیٹی کے اگزیکیٹیو آفیسر مشاق احمد لون نے کہا کہ اس مرتبہ ہندوستان کے ہر عازم کو صرف5لیٹر آب زمزم لانے کی اجازت دی جائے گی ۔ ہر عازم کو صرف2بیاگس میں45کلو سامان ساتھ رکھنے کی اجازت ہوگی ۔ تاہم ہر عازم اپنے ساتھ دستی بیاگ میں 10کلو کا مزید وزن رکھ سکتا ہے ۔ اسی طرح واپسی میں بھی انہیں 45کلو سامان رکھنے کی اجازت ہوگی ۔ انہوں نے عازمین کو مشورہ دیا کہ وہ اپنے ساتھ ایسا تیل یا پاؤڈر نہ لے جائیں جس پر سعودی عرب میں امتناع عائد ہے ۔ انہوں نے بتایا کہ سعودی عرب حکومت نے30ہزار پاسپورٹس واپس کردئیے تھے جن میں کشمیری عازمین بھی شامل تھے ۔ تاہم یہ مسئلہ حل کرلیا گیا اور تمام عازمین کو ویزا جاری کردیا گیا ۔ انہوں نے کہا کہ اس مسئلہ کی وجہ سے سعودی عرب سے سفری دستاویزات ملنے میں تاخیر ہوگئی۔ اب یہ دستاویزات اگلے دو دن میں مل جائیں گے ۔ انہوں نے کہا کہ تمام عازمین کو سم کارڈ جاری کئے جائیں گے جو سعودی عرب کی سر زمین پر پہنچتے ہی کارکرد ہوجائیں گے ۔
Indian Hajis limited to bring 5-litre of Zamzam
کوئی تبصرے نہیں:
ایک تبصرہ شائع کریں