حیدرآباد سنٹرل یونیورسٹی کو 4.75 کروڑ یو۔جی۔سی گرانٹ منظور

29/اگست حیدرآباد ایس۔این۔بی

یونیورسٹی گرانٹس کمیشن نے حیدرآباد سنٹرل یونیورسٹی کے لیے خصوصی گرانٹ کے تحت 4.75 کروڑ روپے منظور کیے ہیں۔ یونیورسٹی گرانٹ کمیشن نے بعض سفارشات کی بنیادوں پر منیجمنٹ اسٹذیز کے لیے 37 لاکھ ، اسکول آف اکنامکس کے لیے 80 لاکھ ، ایس این اسکول آف آرٹس اور کمیونیکیشن کے لیے 58.75 لاکھ ، اپلائیڈ لنگویسٹک اور ٹرانسلیشن اسٹڈیز کے لیے 50 لاکھ ، ڈپارٹمنٹ آف فلاسفی کے لیے 4.9 لاکھ ، ڈپارٹمنٹ آف پولیٹکل سائنس کے لیے 100 لاکھ اور ڈپارٹمنٹ آف سوشیالوجی کے لیے 75 لاکھ منظور کیے ہیں۔
یونیورسٹی کے پریس ریلیز کے مطابق یونیورسٹی کے پاس تحقیقاتی سرگرمیوں کے لیے 250 پراجکٹس ہیں جن میں سے 15 کو مسلمہ منظوری دے دی گئی ہے۔ تحقیقاتی سرگرمیوں سے اس بات کا پتا چلتا ہے کہ یونیورسٹی ایک صحتمند تعلیمی ماحول میں ترقی کر رہی ہے۔ حالیہ ڈپارٹمنٹ آف سائنس اور تکنالوجی نے تحقیقاتی تعلیمی سرگرمیوں کے لیے نمایاں مظاہرہ کرنے پر 32.8 کروڑ کی منظوری حاصل کی ہے۔ تعلیمی تحقیقاتی سرگرمیوں کے لیے قبل ازیں سال 2009 میں بھی اس محکمہ کو 30 کروڑ روپے حاصل ہوئے تھے۔

UGC sanctions Rs 4.75 crore special grant to University of Hyderabad