Egyptian soldiers will no longer swear loyalty to president
مصر کی عبوری حکومت نے فوجی افسروں کے ذریعہ لئے جانے والے حلف میں ترمیم کی ہے جس کے بعد اب وہ براہ راست صدر کے تئیں وفا داری اور ایمانداری کا حلف نہیں لیں گے۔ مصرکے عبوری صدر عدلی منصور کی طرف سے کل جاری کردہ ترمیم کے مطابق جمہوریہ کے صدر کے تیءں وفادار رہوں گا کا جملہ ہٹاکر میں اپنے ملک کی قیادت کے احکامات پر عمل کروں گا شامل کردیاگیاہے۔ فوج کے ترجمان احمد علی نے کہاکہ یہ مثبت تبدیلی ہے ۔ یہ اس لئے کی گئی ہے تاکہ کسی خاص شخص کے تئیں وفاداری کا حلف نہ لیاجائے۔ فوجی سربراہ کے طورپر اس میں ملک کا صدر خود ہی شامل ہوجاتاہے۔ اس طرح وفاداری قیادت کے ساتھ ہوگی نہ کہ کسی فرد واح دکے ساتھ۔ تجزیہ کار اسے ایک بڑی تبدیلی قرار دے رہے ہیں۔ ان کاکہنا ہے کہ فوج سیول کنٹرول سے آزاد ہوجائے گی۔ جارج واشنگٹن یونیورسٹی میں مصری امور کے ماہر پروفیسر ناتھن براون نے کہاکہ فوج کے ہاتھوں کی گئی یہ ایسی پہل ہے جس پر صرف عبوری حکومت کی مہر لگی ہے ۔
کوئی تبصرے نہیں:
ایک تبصرہ شائع کریں