الکشن کمیشن کی تشکیل نو - طاہرالقادری درخواست مسترد

13/فبروری اسلام آباد پی۔ٹی۔آئی

سپریم کورٹ نے شعلہ بیان عالم دین طاہر القادری کی دائر کردہ درخواست کو مسترد کردیا جس کے ذریعہ پاکستان کے الیکشن کمیشن کی دوبارہ تشکیل کی درخواست کی گئی تھی اس سے قبل ان کے اور چیف جسٹس افتخار چودھری کے درمیان سخت الفاظ کا تبادلہ عمل میں آیا ۔ تین دن طویل مباحث میں قادری کی دوہری قومیت پر بڑی حد تک توجہ مرکوز رہی ۔ چیف جسٹس کی زیر قیادت تین ججوں پر مشتمل بنچ نے اپنے مختصر سے فیصلہ میں بتایا کہ عالم دین اس قسم کی عرضی دائر کرنے اپنی اہلیت ثابت کرنے میں ناکام رہے ہیں ۔ عدالت نے بتایا کہ طاہر القادری اپنے موقف اور نیک عزائم کو ثابت کرنے میں ناکام رہے ہیں الیکشن کمیشن کی موجودہ ہیت ترکیبی سے ان کے بنیادی حقوق متاثر ہوئے ہیں ۔ بنچ نے بتایا کہ ججس کے خلاف توہین آمیز زبان کی پاداش میں طاہر القادری کے خلاف تحقیر عدالت کاروائی کی جاسکتی ہے تاہم عدالت ضبط و تحمل کا مظاہرہ کرتے ہوئے صرف انتباہ دے رہی ہے ۔

Supreme Court discards Tahirul Qadri's plea challenging ECP