اور کچھ بیاں اپنا - تنقیدی مضامین از داؤد اشرف - تعارف کتاب

ڈاکٹر سید داؤد اشرف (پیدائش: 1938 - وفات: 18/اپریل/2021ء)
حیدرآباد کے ممتاز محقق، ماہر دکنیات اور علمی و ادبی شخصیت رہے ہیں۔ وہ ممتاز صحافی سید علی اشرف (مدیر اردو روزنامہ "تنظیم") کے بڑے فرزند تھے۔ آندھرا پردیش اسٹیٹ آرکائیوز میں تقریباً تین دہائیوں تک وہ برسرکار رہے۔ انگریزی میں پانچ اور اردو میں ایک درجن سے زائد کتب انہوں نے تصنیف کی ہیں۔ سابق ریاست حیدرآباد دکن اور نظام سابع میر عثمان علی خان کے دورِ حکومت پر ان کے تحقیقی مضامین روزنامہ "سیاست" میں شائع ہوئے اور مقبولیت کے بلند معیار کو پہنچے۔ داؤد اشرف کی پہلی کتاب "مخدوم محی الدین - ایک مطالعہ" 1967ء میں شائع ہوئی تھی۔
"اور کچھ بیاں اپنا" داؤد اشرف کی دوسری تصنیف ہے جس میں 1965ء تا 1975ء کے دوران تحریر کردہ تنقیدی اور ریڈیائی مضامین کا انتخاب شامل ہے۔

اس کتاب کا تعارف، اشاعتی کوائف، فہرستِ مضامین اور دیگر معلومات علمی، ادبی اور تحقیقی استفادے کے لیے پیش کی جا رہی ہیں۔

نام کتاب: اور کچھ بیاں اپنا
مصنف: ڈاکٹر داؤد اشرف۔ ناشر: شگوفہ پبلی کیشنز، حیدرآباد۔ سنہ اشاعت: 1980ء
تعداد صفحات: 116