ماہنامہ "فانوس" ڈائجسٹ (کلکتہ) - غالباً ہندوستان کا پہلا اردو ڈائجسٹ تھا جس کا آغاز جولائی 1965 میں ہوا تھا اور شاید چند ماہ و سال کے شماروں کی اشاعت کے بعد بند ہو گیا۔ اس کے مدیر اعلیٰ اور طابع و ناشر عطا الرحمن شاد تھے اور مجلس ادارت میں ف۔س۔اعجاز بھی شامل رہے۔
اس ڈائجسٹ نے اپنی اشاعت کے دوسرے سال کا ایک شمارہ بطور خصوصی نمبر، داؤدی بوہرہ طبقہ اور اس کے روحانی پیشوا سیدنا محمد برہان الدین کے نام مختص کیا تھا۔ یہی خصوصی شمارہ باذوق قارئین اور محققین کے لیے تعمیرنیوز کی جانب سے پی۔ڈی۔ایف فائل کی شکل میں پیش خدمت ہے۔ 162 صفحات کی اس پی۔ڈی۔ایف فائل کا حجم تقریباً 8 میگابائٹس ہے۔
رسالہ کا ڈاؤن لوڈ لنک نیچے درج ہے۔
اس شمارہ کے اداریہ میں فاضل مدیر نے لکھا ہے ۔۔۔اسلام ایک عالمگیز مذہب ہے۔ مگر زمانے کی شکست و ریخت نے اسے بےشمار فرقوں میں منقسم کر دیا ہے۔ ان میں سے ایک داؤدی بوہرہ فرقہ بھی ہے جس نے تمام شعبہ ہائے زندگی میں بےپناہ ترقیاں کی ہیں۔ جس کا ماضی شاندار، حال روشن اور مستقبل درخشاں ہے۔
"سیدنا نمبر" اسی فرقے سے روشناس کرانے کی ایک معمولی کوشش ہے۔ حقیقتاً قومِ بواہیر سے متعلق اتنے معیاری اور معلوماتی مضامین اب تک اردو زبان میں شائع نہیں ہوئے۔ سیدنا سے متعلق تصاویر نایاب شے ہیں، بعض مخطوطات اور دستاویزات تو تاریخی اہمیت کے حامل ہیں۔
***
نام رسالہ: فانوس ڈائجسٹ کلکتہ - سیدنا نمبر - ستمبر 1966
مجلس ادارت: عطاالرحمن شاد، فیروز سلطان اعجاز
تعداد صفحات: 162
پی۔ڈی۔ایف فائل حجم: تقریباً 8 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Fanoos_Sept-1966.pdf
| ماہنامہ 'فانوس ڈائجسٹ' - ستمبر 1966 :: فہرست | |||
|---|---|---|---|
| نمبر شمار | تخلیق | تخلیق کار | صفحہ نمبر |
| 1 | آفتاب علم و ہدایت | غلام محمد اختر | 23 |
| 2 | داؤدی بوہرہ جماعت - تاریخ کے آئینے میں | ثریا یاسمین | 155 |
| 3 | قوم بواہیر کے رسم و رواج | خاتون علی زنجیباری | 15 |
| 4 | تصاویر - سیدنا کے بارے میں | ادارہ | 27 |
| 5 | افسانہ: زعفران کے پھول | خواجہ احمد عباس | 59 |
| 6 | افسانہ: طوفان کا نقیب (روسی کہانی) | ظ۔ انصاری | 152 |
| 7 | شکاریات: جنگل کی ایک رات | جیمز مارٹن | 44 |
| 8 | کھیل اور کھلاڑی: محمد علی کلے | جلال انور | 119 |
| 9 | طنز و مزاح: شگوفے | الیاس اعظم | 117 |
Fanoos Digest Culcutta, Syedna special issue: Sept 1966, pdf download.
کوئی تبصرے نہیں:
ایک تبصرہ شائع کریں