محمد حامد سراج (پ: 21/اکتوبر 1958)
اردو ادب کے عصری منظرنامے کا ایک معتبر نام - معروف افسانہ نگار، ناول نگار، خاکہ نگار اور نقاد۔ آج بروز بدھ 13/نومبر 2019 کی شام میانوالی (پاکستان) میں انتقال کر گئے۔
افسانہ ،خاکہ، ناول اور سوانح حیات پر مشتمل، محمد حامد سراج کی اب تک سات کتابیں منظر عام پر آ چکی ہیں۔ اپنی والدہ کی شخصیت پر مبنی خاکہ نگاری کی ان کی تصنیف "میا" کے تقریباً سات ایڈیشن شائع ہوئے اور اس کتاب کو بین الاقوامی سطح پر پذیرائی ملی۔
محمد حامد سراج کے انیس (19) منتخب افسانوں کی کتاب "چوب دار" تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔ تقریباً پونے دو سو صفحات کی اس پی۔ڈی۔ایف فائل کا حجم صرف 5 میگابائٹس ہے۔
کتاب کا ڈاؤن لوڈ لنک نیچے درج ہے۔
سائرہ غلام نبی حامد سراج کے فن کا جائزہ لیتے ہوئے لکھتی ہیں ۔۔۔محمد سراج بطور کہانی کار نہ کسی منصوبہ بندی کے تحت کہانی سوچتا ہے، نہ کہانی کے تار و پود بننے کے لیے کیل کانٹوں سے لیس ہوتا ہے، نہ ہی کہانی کہنے کے لیے دانش وری کا چولا پہنتا ہے اور نہ ہی اپنی کہانی کو کسی دائرے (نظریے) کا قیدی بناتا ہے۔
پر کہانی کو اس کہانی کار سے کچھ تعلق خاص ہے، یوں لگتا ہے کہ وہ اس کی تلاش میں رہتی ہے، اور پھر کہیں نہ کہیں سے آ کر ڈھونڈ لیتی ہے۔ چاہے وہ کسی دور افتادہ مقام پر، کھیتوں کی کسی ادھ کچی منڈیر پر بیٹھا ہو، اس کے سامنے افق پر شام ڈوب رہی ہو، ڈوبتی ہوئی شام کے رنگ اس کی سوچوں میں اتر آتے ہیں اور فکر و خیال میں گھل مل جاتے ہیں تو وہ پگھلے رنگوں کو خود میں سمیٹے اٹھتا ہے تو کہانی وجود سے لبٹ چکی ہوتی ہے۔
۔۔۔ حامد سراج فطری قصہ گو ہے، کہانی کہنے کی دھن میں کبھی کبھار بنے ہوئے سانچوں کو بھول بیٹھتا ہے۔ ایسا کرتے ہوئے وہ اپنی تخلیقی اپج کو اہم جانتا ہے اور مطمئن ہو جاتا ہے۔ لیکن یہاں قاری کا اطمینان سوالیہ ہو سکتا ہے۔ اس پہلو پر دھیان دے تو اس کی کہانیوں کی تعداد کم ہو سکتی ہے اور معیار فزوں تر۔۔۔ مجھے یقین ہے کہ ایسا ہوا تو فکشن کا سنجیدہ قاری اس کو محض جانے گا ہی نہیں، مانے گا بھی۔
یہ بھی پڑھیے ۔۔۔
***
نام کتاب: چوب دار
مصنف: محمد حامد سراج
تعداد صفحات: 174
پی۔ڈی۔ایف فائل حجم: تقریباً 5 میگابائٹس
ڈاؤن لوڈ لنک: (بشکریہ: archive.org)
Chobdaar by Hamid Siraj.pdf
| چوب دار - افسانے از محمد حامد سراج :: فہرست | ||
|---|---|---|
| نمبر شمار | عنوان | صفحہ نمبر |
| 1 | اجتماعی مات | 9 |
| 2 | خودداری کی نیند | 20 |
| 3 | قدیمی کرسی اور کتاب کی مرمت | 26 |
| 4 | الٹے پاؤں | 33 |
| 5 | لرزیدہ لمحوں کا تاوان | 43 |
| 6 | شور بہت کرتا تھا | 55 |
| 7 | میکینک کہاں گیا | 61 |
| 8 | لالٹین جلتی رہے | 75 |
| 9 | بوسیدہ آدمی کی محبت | 83 |
| 10 | امام غزالی کا گمشدہ کردار | 91 |
| 11 | ڈرائینگ روم اک گزرگاہ ہے | 100 |
| 12 | ذہن بازار | 117 |
| 13 | گرمی بہت ہے | 124 |
| 14 | بےانت صحرا | 127 |
| 15 | اعلان | 136 |
| 16 | کنجی | 144 |
| 17 | چوب دار | 150 |
| 18 | کنواں، کٹورا اور کوا | 162 |
| 19 | کاغذ کی راکھ | 169 |
Chobdaar, selected short stories by Hamid Siraj, pdf download.
کوئی تبصرے نہیں:
ایک تبصرہ شائع کریں