ملکاؤں کے رومان - دنیا کی رنگین مزاج عورتیں - پی۔ڈی۔ایف ڈاؤن لوڈ

14/جولائی تعارف کتاب ٹی۔این۔بی

محبت ازل سے ہے اور ابد تک رہے گی۔ بھکاری اور بھکارن کے دل میں بھی اور بادشاہ اور ملکہ کے دل میں بھی۔
یہ کتاب "ملکاؤں کے رومان" دنیا کی کچھ ایسی بڑی عورتوں کے افسانہ ہائے محبت کا مجموعہ ہے جن کا ذکر دنیا کی تاریخ میں موجود ہے۔ اپنے عہد کے مقبول ترین ادیب راجہ مہدی علی خان نے اس دلچسپ کتاب کی تخلیق کی ہے۔ تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔
تقریباً دو سو صفحات کی اس پی۔ڈی۔ایف فائل کا حجم صرف 11 میگابائٹس ہے۔
کتاب کا ڈاؤن لوڈ لنک نیچے درج ہے۔

اس کتاب کا تعارف کراتے ہوئے پیش لفظ میں ناشر لکھتے ہیں ۔۔۔

محبت ازل سے ہے اور ابد تک رہے گی۔
مفلس بھکاری سے لے کر بادشاہ تک کی گردن اس کے پرشوکت اور پرجلال مندر میں پہنچ کر فرطِ احترام سے خم ہو جاتی ہے۔
وہ کون سا دل ہے جس میں محبت کی دھڑکن موجود نہ ہو اور وہ کون سا سانس ہے جو خوسبوئے محبت سے مملو نہ ہو۔
بعض اوقات محبت اس انداز سے کی جاتی ہے کہ محب اور محبوب دونوں زندۂ جاوید ہو جاتے ہیں اور بعض اوقات محبت خود ایسے بڑے انسانوں کے دلوں میں اپنا مسکن تلاش کر لیتی ہے کہ وہ خود زندۂ جاوید معلوم ہونے لگتی ہے۔
پیش نظر عشقیہ داستانوں کے کرداروں کے دلوں میں محبت نے اپنا گھر ڈھونڈا اور اپنی دنیا کے آسمان پر ایک دلکش ستارے کی طرح لازوال چمک پیدا کرنے لگی۔
"ملکاؤں کے رومان" دنیا کی ان بڑی بڑی عورتوں کے افسانہ ہائے محبت کا مجموعہ ہے جن کا ذکر دنیا کی تاریخ میں موجود ہے۔ ان رنگین داستانوں کو پڑھنے سے معلوم ہوگا کہ محبت ازل سے ہے اور ابد تک رہے گی ۔۔۔ بھکاری اور بھکارن کے دل میں بھی اور بادشاہ اور ملکہ کے دل میں بھی۔ غرضیکہ محبت ہی ہم دنیا والوں کی روحانی غذا ہے۔
داستانیں تو ازل سے ہیں اور ابد تک رہیں گی لیکن ان کے قلمبند کرنے کے لیے خوبصورت الفاظ، رنگینئ بیان، برجستگی اور ندرتِ خیال کی خوبیاں بہت کم لکھنے والوں میں ہوتی ہیں۔ اگرچہ ان داستانوں کو زیادہ شاعرانہ رنگ دینے کے لیے "داستان گو" نے بعض جگہ تاریخی حقائق سے کسی قدر گریز کر لیا ہے لیکن بلاشبہ کہا جا سکتا ہے کہ راجہ مہدی علی خاں کا قلم اس کتاب میں بعض اوقات صفحۂ قرطاس پر پھول اور ستارے بکھیرتا ہوا نظر آتا ہے۔ ان پھولوں کی خوشبو ہمارے مشامِ جان کو اور ان ستاروں کی ضیا ہمارے دلوں کے تاریک ترین گوشوں کو منور کرتی چلی جاتی ہے۔
ان داستانوں میں لکھے ہوئے بعض فقرات اتنے خوبصورت ہیں کہ ان پر نظم کا گمان ہونے لگتا ہے اور انسان کی بےچین روح ایک اضطراب انگیز سی شیریں تسکین محسوس کرنے لگتی ہے۔
امید ہے کہ ادبی حلقوں میں اس کتاب کا پرجوش خیرمقدم کیا جائے گا۔

***
نام کتاب: ملکاؤں کے رومان (دنیا کی رنگین مزاج عورتیں)
از: راجہ مہدی علی خان
تعداد صفحات: 192
پی۔ڈی۔ایف فائل حجم: تقریباً 11 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Malkaon ke Ruman.pdf

Direct Download link:

- فہرست مضامین
نمبر شمار	عنوان	صفحہ نمبر
1	پیش لفظ	5
2	ہسپانوی شہزادی کی داستانِ محبت	7
3	ستارہ	23
4	سیفو کی داستانِ عشق	48
5	ڈنمارک کی پری	67
6	گلشنِ یونان کی نازک کلی	82
7	عرب شاعرہ کا رومان	90
8	ولی عہد جرمنی کی معشوقہ	110
9	حبشی کی جلیل المرتبت محبوبہ	116
10	سکندرِ اعظم کی خون آشام محبوبہ	122
11	میڈم کیوری کا افسانۂ محبت	138
12	ایڈگر ایلن پو کی محبوبائیں	145
13	پولینڈ کی حور	163
14	ریجن فلوری	169
15	میریا آف لیمبارڈ سٹریٹ	180

Malkaon ke Ruman, Romantic love stories of Renown Queens, pdf download.