پی ٹی آئی
20فٹ بلند دیوار کے گرنے سے11افراد ہلاک ہوگئے جن میں ایک بچہ اور چار خواتین شامل ہیں ۔ تروولور ضلع میں دیوار کے متصل جھونپڑیوں پر گرنے سے یہ ہلاکتیں واقع ہوئیں ۔ تروولور کے ضلع کلکٹر کے ویراراگھواراؤنے میڈیا کو بتایا کہ11افراد موقع واردات پر ہی ہلاک ہوگئے ۔ مرنے والوں میں9کا تعلق آندھرا پردیش سے ہے جب کہ ماباقی ٹاملناڈو سے تعلق رکھتے ہیں ۔ یہ کمپاؤنڈ وال ایک خانگی کمپنی کی جانب سے تعمیر کی گئی تھی ۔ اس کمپنی کے مالکین راماناتھن اور اس کے بھائی بالو کوگرفتار کرلیا گیا ہے ۔ ایک19سالہ نوجوان ناگراج کو ملبہ سے زندہ نکالا گیا ہے اور اسے ہسپتال میں شریک کرادیا گیا ہے ۔ علاقہ میں گزشتہ رات شدید بارش ہوئی تھی ۔ جیے للیتا نے تعزیت کا اظہار کیااور مرنے والوں کے وارثین کو فی کس دو لاکھ روپے اور زخمیوں کے لئے50ہزار روپے بطور ایکس گریشیا کا اعلان کیا ۔ انہوں نے پولیس کو اس سانحہ میں ملوث افراد کے خلاف سخت کارروائی کی ہدایت دی ۔ پورور میں ایک 11منزلہ عمارت کے منہدم ہونے کے8دن بعد یہ واقعہ پیش آیا ۔ پورور میں عمارت کے منہدم ہونے سے61افراد فوت ہوگئے تھے ۔
11 killed in wall collapse in Chennai
کوئی تبصرے نہیں:
ایک تبصرہ شائع کریں