مطلوب دہشتگرد عبدالکریم ٹنڈا ہند نیپال سرحد پر گرفتار

انڈر ورلڈ ڈان داؤد ابراہیم کے قریبی ساتھی عبدالکریم ٹنڈا کو 16/اگست کی سہ پہر ہند نیپال سرحد پر بنواسا مہندر نگر علاقے سے گرفتار کر لیا گیا۔ شبہ ہے کہ یہ شخص ملک میں بم اندازی کے 40 واقعات میں ملوث ہے اور لشکر طیبہ کے صدر حافظ سعید سے قربت کے لیے بھی جانا جاتا ہے۔ پولیس کا کہنا ہے کہ یہ ملزم صرف دہلی میں 21 کیسز میں مطلوب تھا۔ ٹنڈا 1943 میں دہلی کے دریا گنج علاقے میں پیدا ہوا۔ وہ حیدرآباد ، گلبرگہ ، سورت اور لکھنؤ میں ٹرینوں میں بم حملوں میں بھی مطلوب تھا۔ وہ پاکستانی پاسپورٹ کا حامل تھا اور پاسپورٹ میں اس کا نام عبدالقدوس تھا۔