گجرات وزیر اعلیٰ نریندر مودی کو کوئی کلین چٹ نہیں دی گئی

17/جولائی ممبئی ایس۔این۔بی

گجرات کے وزیراعلیٰ نریندر مودی نے حال ہی میں ایک غیر ملکی خبر رساں ایجنسی کو انٹرویو دیتے ہوئے یہ تاثر دینے کی کوشش کی ہے کہ سپریم کورٹ نے انہیں اپنی تشکیل کردہ ایس آئی ٹی کے ذریعے کلین چٹ دے دی ہے۔ ذکیہ جعفری اور سٹی زن فار جسٹس اینڈ پیس( سی جے پی) کی شکایت پر تشکیل دی گئی ایس آئی ٹی نے گلبرگ معاملے کی تحقیقات کی تھی اور مودی کے بیان پر ذرائع ابلاغ کا ایک طبقہ یہ تاثر دے رہا ہے کہ مودی کو کلین چٹ دی جاچکی ہے۔ حالانکہ حقیقت اس کے برعکس ہے۔ سپریم کورٹ نے ایس آئی ٹی کی تشکیل تیستا سیلتواد، ڈی این پٹنائک، کیڈر پرکاش اور دیگر کی پٹیشن پر کی تھی، جس میں سے 9معاملات کے بارے میں انسانی حقوق کمیشن نے سی بی آئی سے تحقیقات کرانے کی سفارش کی تھی۔ ایس آئی ٹی سے ایک سال بعد کہا گیا کہ نریندر مودی اور دیگر 61افراد کے خلاف دائر کی جانے والی مجرمانہ شکایت کی بھی جانچ کرے۔ ایس آئی ٹی نے ذکیہ جعفری اور سی جے پی کی شکایت پر 12مئی 2010کو رپورٹ پیش کی اور مزید جانچ کی ضرورت پر زوردیا۔ سپریم کورٹ نے دو افسروں شیوانند جھا اور گیتا جوہری کو ٹیم سے ہٹادیا کیونکہ ان کے خلاف سہراب الدین کیس میں شکایت درج تھی۔ نریندر مودی کے بارے میں شکایت کی گئی تھی۔

No Clean Chit to Gujarat Chief Minister Narendra Modi