Nawaz Sharif to visit China on his first foreign visit
وزارت عظمی پر فائز ہونے کے بعد اپنے پہلے بیرونی دورہ پر وزیراعظم پاکستان مسٹر نواز شریف آئندہ ہفتے چین کا دورہ کریں گے جہاں امکان ہے کہ وہ ملک میں جاری برقی بحران سے نمٹنے کیلئے چین سے مدد طلب کریں گے۔ نئی حکومت کے جاریہ ماہ قیام کے بعد سے مسٹر نواز شریف کا یہ پہلا بیرونی دورہ ہوگا۔ پاکستانی دفتر خارجہ کے ترجمان اعزاز احمد چودھری نے کہاکہ تواریخ کو سفارتی ذرائع سے قطعیت دی جائے گی۔ امکان ہے کہ کئی یادداشت مفاہمت پر اس دورہ کے موقع پر دستخط کئے جائیں گے جن میں توانائی شعبہ میں تعاون شامل رہے گا۔ مسٹر شریف چینی قیادت کے ساتھ باہمی تعلقات کو مستحکم بنانے، معاشی تعاون میں اضافہ اور پاکستان۔ چین تجارتی ومعاشی راہداری کو ترقی دینے تبادلہ خیال کریں گے۔
کوئی تبصرے نہیں:
ایک تبصرہ شائع کریں