23/فبروری نئی دہلی ایس۔این۔بی
دہلی یونیورسٹی کی پر وائس چانسلر پروفیسر ویویک سنیجا نے بتایاکہ ڈی یو انتظامیہ نے دہلی یونیورسٹی میں اگلے تعلیمی سال 2013-14 سے کالج میں ایسا نظم کیا ہے جس سے کہ ہر کالج میں اردو پڑھانے کا سلسلہ شروع ہو سکتا ہے ۔ ڈی یو کے پرو وائس چانسلر و ویک سنیجا نے اس بات پر پشیمانی کا اظہار کیاکہ وہ دہلی والے ہوتے ہوئے اردو نہیں جانتے جبکہ ان کے والد اردو فارسی کے دانشورتھے ۔ و ویک سنیجا نے کہاکہ اردو کے فروغ کیلئے کوششیں جاری ہیں ۔ انہوں نے کہاکہ اردو دہلی میں ہی پیدا ہوئی اور یہیں اقدامات کئے جانے چاہئیں ۔ و ویک سنیجا نے اردو سے اپنی محبت کا ذکر کرتے ہوئے کہاکہ اردو کا زوال پذیر ہونا باعث تشویش اور باعث شرم ہے ۔ انہوں نے کہاکہ اردو زبان محض ایک زبان نہیں بلکہ ایک مکمل تہذیب ہے ۔ یہ زبان نہ صرف ہندوستان کی مشترکہ گنگا جمنی تہذیب و تمدن مثال ہے ۔ گاندھی جی جب بھی ہندوستانی زبان کا ذکر کرتے تھے تو اس سے اُن کی مراد اردو ہی ہوتی تھی۔ ہندوستانی کی آتما دراصل اردو میں بستی ہے ۔ اردو النکار کی زبان ہے اہنکار کی نہیں ۔ انہوں نے کہاکہ دہلی یونیورسٹی نے ایم اے کے طلبہ کیلئے انٹرڈسپلینری کورس کا سلسلہ بھی شروع کیا ہے ۔ urdu may taught in every college of Delhi university
کوئی تبصرے نہیں:
ایک تبصرہ شائع کریں