صدر عراق کے صحت کی بحالی

24/فبروری بغداد اے۔پی

صدر عراق جلال طالبانی کے علاج میں مصروف ایک ڈاکٹر نے کہا کہ وہ اب بات چیت کر سکتے ہیں اور لوگوں کی باتیں سمجھ سکتے ہیں ۔ دو ماہ قبل ان کے قلب پر حملہ ہوا تھا جس کے بعد ان کی حالت ابتر ہوگئی تھی ، لیکن دو ماہ کے مسلسل علاج کے بعد انکی صحت بہتر ہوگئی ۔ ڈاکٹرنجم الدین کریم نے کہا کہ صدر کی صحت کی بحالی حوصلہ افزاء ہے اور ایک اچھی تبدیلی ہے ۔ انھوں نے کہا کہ امید ہے کہ جلال طالبانی جلد ہی اپنے مکان واپس ہوسکیں گے ، لیکن یہ بھی تسلیم کیا کہ اس سلسلہ میں کوئی فیصلہ جرمنی کے ڈاکٹرس کریں گے جو ان کا علاج کر رہے ہیں ۔ جلال چالبانی کو 17 دسمبر کو قلب پر حملہ کے بعد فوری ہاسپٹل منتقل کیا گیا تھا ۔ سرکاری عہدیداروں کے بموجب قلب پر حملہ شدید نوعیت کا تھا ۔ بعد ازاں جلال طالبانی کو مزید علاج کے لیے جرمنی منتقل کردیا گیا ۔ ان کی حالت کے بارے میں بہت ساری تفصیلات کا انکشاف کیا جارہا ہے ۔ ان کے معالج ڈاکٹر نجم الدین نے بھی صرف اتنا کہا کہ ان کی صحت بہتر ہے اور وہ بات چیت کرنے کے قابل ہیں ، لیکن مزید تفصیلات کے انکشاف سے انکار کردیا ۔

Iraq president's health improving, can now talk: doctor