Shahi Imam blames investigation agencies
دہلی کی جامع مسجد کے شاہی امام احمد بخاری نے کہا ہے کہ تحقیقاتی ایجنسیوں کو ملک میں کسی بھی بم دھماکوں کے خاطیوں کانام تحقیقات کے آغاز اور ان کی تکمیل سے پہلے بتادینے کی عادت ہے ۔ حالیہ حیدرآباد دھماکوں کے حوالے سے احمدبخاری نے کہاکہ بم دھماکوں میں انڈین مجاہدین کے رول سے متعلق قومی تحقیقات ایجنسی کے شبہات بے بنیاد ہیں ۔ شاہی امام نے کل شام صحافیوں سے بات چیت کرتے ہوئے کہاکہ اگر تفتیش کنندوں کو انڈین مجاہدین پر شبہ ہے تو انہیں چاہئے کہ اس کے دفترکا مقام بتائیں اور اس کے کارکنوں کی شناخت کریں ۔ شاہی امام نے کہاکہ ان بیانات کا کوئی ثبوت نہیں ہے ۔ انہوں نے کہاکہ سرکاری مشنری کی جانب سے مالیگاؤں ، مکہ مسجد اور سمجھوتہ ایکسپریس دھماکوں کے بعد بے قصور مسلمانوں کو گرفتار کیا گیا۔
کوئی تبصرے نہیں:
ایک تبصرہ شائع کریں