India, France ink four agreements, discuss Jaitapur, Rafale deal
ہندوستان اور فرانس نے مہاراشٹرا کے جیتا پور نیوکلئیر پاور پلانٹ اور رافیل لڑاکا طیارے خریدنے کے معاملوں میں ہونے والی پیشرفت پر اطمینان کا اظہار کرتے ہوئے آج خلا، تعلیم، ریلوئے اور ثقافت کے شعبوں میں 4معاہدوں پر دستخط کئے ۔ وزیراعظم ڈاکٹر منموہن سنگھ اور ہندوستان کے دورے پر آئے ہوئے فرانس کے صدر اولاند کے درمیان باہمی تعاون کے مختلف پہلوؤں پر تفصیلی بات چیت ہوئی جس کے بعد مذکورہ معاہدوں پر دستخط کئے گئے ۔ ڈاکٹر سنگھ نے بات چیت کے بعد نامہ نگاروں سے بات کرتے ہوئے کہاکہ انہوں نے مہمان لیڈر کے ساتھ جیتا پور نیوکلئیر پاور پلانٹ کے تعمیراتی کام کا جائزہ لیا۔ انہوں نے بتایاکہ اس سلسلے میں تجارتی اور تکنیکی بات چیت مکمل ہونے کے بعد پلانٹ اپنا کام شروع کر دے گا۔
کوئی تبصرے نہیں:
ایک تبصرہ شائع کریں