tahirul qadri accuses shareef brothers
حکومت پاکستان کے خلاف پرہجوم احتجاج کی قیادت کرنے والے علامہ طاہر القادری نے کہاکہ نواز مسلم لیگ کے صدر نواز شریف اور ان کے بھائی شہباز شریف کی جنہوں نے انہیں اپنے کندھوں پر اٹھالیا تھا تاکہ ان سے محبت و احترام کا ثبوت دے سکیں اب ان کے خلاف بدترین پروپگنڈہ کا آغاز کر چکے ہیں ۔ انہوں نے کہاکہ جب شریف برادران سعودی عرب میں خود ساختہ جلاوطنی کی زندگی گذار رہے تھے اس وقت انہیں کندھوں پر اٹھالینے کا واقعہ پیش آیا تھا۔ وہ 1990ء کی دہائی شریف برادران سے بہت قریب تھے ۔ بعدازاں ان کے درمیان اختلافات پیدا ہو گئے ۔ انہوں نے ایک پریس کانفرنس سے خطاب کرتے ہوئے کہاکہ دونوں بھائیوں نے پنجاب میں تین ارب روپئے کا فنڈ ان کی کردار کشی کی مہم ذرائع ابلاغ میں چلانے کیلئے مختص کیا ہے ۔ انہوں نے کہاکہ دونوں بھائی ایسے کرنے کیلئے بدنام ہیں ۔ کینڈا کی شہریت کے بارے میں انہوں نے کہاکہ یہ شہریت قومی اسمبلی سے مستعفی ہونے کے بعد انہوں نے حاصل کی تھی۔
کوئی تبصرے نہیں:
ایک تبصرہ شائع کریں