Boeing 787s now grounded indefinitely in Europe, Japan & India
جاپان کے بعد اب امریکہ اور ہندوستان کے علاوہ یوروپی ممالک میں بھی تکنیکی خامیوں کے سبب بوئنگ کے جدید طیارے ڈریم لائنر787 کو غیر معینہ مدت کیلئے زمین پر اتار دینے کا فیصلہ کیا گیا ہے ۔ اس طیارے میں تکنیکی خرابی کی سبب سب سے پہلے جاپان کی 2بڑی فضائی کمپنیوں آل نپون ایرویز اور جاپان ایرلائنس نے اپنے تمام بوئنگ 787 ڈریم لائنر استعمال نہ کرنے کا فیصلہ کیا تھا۔ امریکہ میں شہری ہوابازی کے نگران ادارہ دی فیڈرل ایوی ایشن ایڈمنسٹریشن نے ملک کی تمام فضائی کمپنیوں سے کہا ہے کہ بوئنگ 787 کا استعمال عارضی طورپر روک دیا جائے ۔ اس فیصلہ کی اہم وجہہ ان طیاروں میں بیاٹری کے مسائل بتائی جاتی ہے جس کی وجہہ سے حال ہی میں جاپان کی ہوائی کمپنیوں کے جہازوں میں مسائل پیدا ہوئے تھے ۔ امریکہ کی جانب سے اس فیصلے کے بعد ہی ہندوستان نے بھی اس طیارے کو استعمال نہ کرنے کا فیصلہ کیا جبکہ اب یوروپی ایرسیفٹی ا تھاریٹی نے بھی براعظم میں یہ طیارے استعمال کرنے والی کمپنیوں کو طیارے اتاردینے اور ان کے معائنہ کا حکم دیا ہے ۔
کوئی تبصرے نہیں:
ایک تبصرہ شائع کریں