Congress attacks Mamata Banerjee on Saradha scam
کانگریس نے شاردا چٹ فنڈ معاملے میں ریاستی حکومت پر حملہ تیز کرتے ہوئے کہا کہ مغربی بنگال کی ممتا حکومت نے اس معاملے کے حقائق کو چھپایا اور اب وہ سی بی آئی جانچ کی مخالفت کر رہی ہے۔ کانگریس کے قومی ترجمان ابھیشک سنگھوی نے ریاستی کانگریس کے ہیڈ کوارٹر بدھان بھون میں پریس کانفرنس سے خطاب کرتے ہوئے کہا کہ ریاستی حکومت شاردا گھوٹالے کے گناہ گاروں کو بچانے کے لیے ہر ممکن کوشش کر رہی ہے اور اسی وجہ سے وہ سی بی آئی جانچ کی بھی مخالفت میں کمربستہ ہے۔ ترنمول کانگریس کا مطلب ہی "ترنمول ماڈل چٹ" ہو گیا ہے۔ ہر دن مگرمچھ کے آنسو بہانے کا کوئی فائدہ نہیں ہے۔ جہاں ایک طرف لوگوں کو لوٹنے والوں کو بچایا جا رہا ہے تو دوسری طرف لوگوں کی فلاح و بہبودی کی باتیں کی جاتی ہیں۔
کوئی تبصرے نہیں:
ایک تبصرہ شائع کریں