Group `performs` puja inside Babri Masjid; administration denies
رام مندر کے حامی ایک گروپ نے آج ادعا کیا ہے کہ اس نے بابری مسجد کے احاطہ میں مذہبی سرگرمیاں انجام دی ہیں تاہم مقامی انتظامیہ نے اسے مسترد کردیا ہے۔ شری رام سیوا سمیتی کے نمائندوں نے ادعا کیا کہ مقامی انتظامیہ نے انہیں اجازت دی جس کے بعد انہوں نے متنازعہ مقام پر رام للا کے مندر میں مذہبی رسوم ادا کرنے کے بعد کلش نصب کیا۔ سپریم کورٹ نے بابری مسجد اور رام جنم بھومی کی محصلہ اراضی پر کسی بھی قسم کی مذہبی سرگرمیوں پر روک لگائی ہے۔ صرف سپریم کورٹ کی جانب سے مقررہ کردہ اچاریہ ستیندر داس کو ہی متنازعہ مقام پر ہندورسومات کے مطابق روزانہ پوجا کی سرگرمیاں انجام دینے کا اختیار ہے۔ تاہم مقامی انٹلی جنس یونٹ کے سربراہ کے این تیواری نے متنازعہ مقام پر ایسی کسی بھی سرگرمی کی تردید کی اور کہاکہ سمیتی نے کچھ پروگرام کیا اوربابری مسجد کی حد بندی تک پہونچے جہاں انہیں احاطہ میں داخلہ ونے سے روک دیاگیا۔ جس کے بعد انہوں نے متنازعہ مقام سے دور کلش نصب کیا۔ صدر پجاری اچاریہ ستیندر داس نے بھی گربھ گرہ میں کلش حاصل کرنے کی تردید کی جہاں رام کی مورتیاں متنازعہ مقام پررکھی ہیں۔
کوئی تبصرے نہیں:
ایک تبصرہ شائع کریں