bjp opposes anti communalism bill
بی جے پی نے انسداد فرقہ وارانہ فساد بل کو آزاد ہندوستان میں قانون سازی کے اب تک کے سب سے بدترین ٹکڑے سے تعبیر کرتے ہوئے کہاکہ اگر یہ قانون بن گیا تو اس کے نتیجے میں مظفر نگر فسادات کے لئے اکثریتی فرقہ کے ارکان کو سزا دی جائے گی ۔ راجیہ سبھا میں قائد اپوزیشن ارون جیٹلی نے کہا کہ قومی سلامتی کونسل نے 2011ء میں جو مسود ۂ قانون تیار کیا ، میں سمجھتا ہوں کہ وہ آزادہندوستان میں قانون سازی کا بد ترین حصہ ہے ۔ مثال کے طور پراگر یہ بل منظور ہوگیا تو مظفر نگر فسادات میں ایک طبقہ کے خلاف اس قانون کے تحت کارروائی ہوگی ،دوسرے کے خلاف نہیں ہوگی ۔حالانکہ تشددمیں دونوں طبقات کے ارکان ملوث رہے ہیں ۔ انھوں نے متنازعہ بل کو امتیاز پر مبنی قرار دیا ۔ تاہم کانگریس جنرل سکریٹری ڈگ وجئے سنگھ نے کہا کہ یہ بل نفرت اور تشدد کے نظریہ پر ضرب لگانے کے لئے تیار کیا گیا ہے ۔ انھوں نے کہا کہ ایک ہمہ مذہبی ،ہمہ نسلی اور کثیر طبقاتی سماج میں جیسا کہ ہندوستان ہے ، اس طرح کے قانون کی بے حد اہمیت ہے ۔ دونوں ہی قائدین ہندوستان ٹائمس لیڈر شپ سمٹ میں ،ہندوستان کے لئے ایک نیا تصور ، کے عنوان پر بحث میں حصہ لے رہے تھے ۔
کوئی تبصرے نہیں:
ایک تبصرہ شائع کریں