Indian airlines to mull lowering ticket cancellation charges
ہندوستانی ایرلائنز نے فضائی ٹکٹوں کی منسوخی اور تاریخ سفر کی تبدیلی کے چارجس میں کمی کرنے پر غور کرنے سے اتفاق کرلیا ہے ۔ اسی دوران حکومت نے فضائی مسافرین کی شکایات کے ازالہ کے لیے دہلی اور ممبئی کی طیران گاہوں پر ایک نگران کار افسر کے تقرر کا فیصلہ کیا ہے ۔ ایر لائنز کے چیف اکزیکٹیو اور اعلیٰ عہدیداروں کے ایک اجلاس میں آج یہاں وزارت شہری ہوا بازی نے طیاروں کو لیز پر دینے والی کمپنیوں کے مفادات کےتحفظ کے لیے ایر کرافٹ ایکٹ اینڈ رولس میں ترمیم کرنے کا بھی فیصلہ کیا ۔ گنگ فشر ایر لائنز کی پروازیں بند ہونے کے بعد بیشتر کمپنیوں نے ہندوستانی ایر لائنز کو طیارے لیز پر دینے کے معاملے میں سخت شرائط عائد شروع کردیا ہے ۔ آج منعقدہ اجلاس کی صدارت معتمد شہری ہو ابازی کے این سریواستو نے کی ۔ انہوں نے تجویز پیش کی کہ اندرون ملک پروازوں کا اہتمام کرنے والی ایر لائنز کو چاہئے کہ وہ بالخصوص ان ریاستوں کے لیے پروازوں میں اضافہ کردیں جہاں جیٹ فیول پر محاصل ٹیکس کم کردئیے گئے ہیں ۔
کوئی تبصرے نہیں:
ایک تبصرہ شائع کریں