Search | تلاش
Archives
TaemeerNews Rate Card

Ads 468x60px

Our Sponsor: Socio Reforms Society India

تعمیر نیوز آرکائیو - TaemeerNews Archive

2017-11-15 - بوقت: 14:02

رس گلا کی ایجاد - قانونی لڑائی میں اوڈیشہ کے مقابل مغربی بنگال فتحیاب

Comments : 0
Rasgulla is from West Bengal
رس گلا کو لے کر گزشتہ ڈھائی سالوں سے اڑیسہ اور بنگال کے درمیان جاری قانونی جنگ میں آج مغربی بنگال کوبڑی کامیابی ملی ہے ۔ چنئی میں قائم جیو گرافیکل انڈیکس( جی آئی) ریجیسٹی ، نے آج فیصلہ دیا ہے کہ ہندوستان کی قدیم مٹھائی رس گلا کا تعلق اڑیسہ سے نہیں بلکہ بنگال سے ہے ۔ 2015ء میں مغربی بنگال اور اڑیسہ نے جی آئی میں رس گلا سے متعلق دعویٰ کیا تھا کہ اس کا تعلق ان کی ریاست سے ہے۔ جی آئی کے فیصلے کے فوری بعد وزیر اعلیٰ ممتا بنرجی نے ٹوئیٹ کرتے ہوئے لکھا کہ ہم سب کے لئے اچھی خبر ہے کہ جی آئی نے رس گلا کو بنگال کی وراثت قرار دیا ہے ۔ ممتا بنرجی کے کابینہ میں فوڈ پروسیسنگ کے وزیر عبدالرزاق ملا نے کہا کہ ہم سب اس جیت پر خوش ہیں ۔ ملا نے کہا کہ اس سے قبل ہم نے سردی کے موسم میں بنگال میں فروخٹ ہونے والا جیو نا گیری موا کی لڑائی میں کامیابی حاصل کی تھی ۔ ملا نے کہا کہ مٹھائی ان کی پسندیدہ ہے مگر شوگر کی وجہ سے وہ مٹھائی نہیں کھاتے ہیں۔
ملا نے کہا کہ رس کلا کا آغاز بنگال سے ہوا اس لئے ہم نے عدالت کا دروازہ کھٹکھٹایا ۔ ریاستی وزیر تعلیم پارتھو چٹر جی نے کہا کہ اڑیسہ نے غیر ضروری طور پر اس تنازع کو شروع کیا تھا ۔ جب کہ رس گلا ہمیشہ سے بنگال کے نام مشہور رہا ہے ۔ یہ تنازع2015میں اس وقت شروع ہوا جب اڑیسہ کے وزیر سائنس و تکنالوجی پردیپب کمار پانی گڑھی نے میڈیا سے کہا کہ500سال قبل رس گلا کی شروعات اڑیسہ سے ہوئی تھی اور اس تاریخی بازیافت کے لئے انہوں نے ایک کمیٹی قائم کرنے کا اعلان کیا تھا۔ اس وقت مغربی بنگال حکومت نے دعویٰ کیا کہ رس گلا کی شروعات19ویں صدی میں ہوئی تھی اور مشہور مٹھائی سازنبین چندر داس نے1868میں بنیا تھا ۔ جب کہ اڑیسہ کا دعویٰ تھا کہ تاریخی طور پر یہ ثابت ہوچکا ہے کہ رس گلا کی شروعات پوری سے ہوئی تھی اور اس کی پہلی شکل کھیر موہانا کے طورپر تھی جو بعد میں رسوگولا میں تبدیل ہوگیا ۔ پوری سے بیجو جنتادل کے ممبر اسمبلی مہیشور موہنتی نے کہا کہ ہم جی آئی کے فیصلہ کا تجزیہ کریں گے اور اڑیسہ حکومت کے افسران اور وزراء کے ساتھ تبادلہ خیال کرکے آگے کی کارروائی پر غور کیاجائے گا اور اب بھی ہمارے لئے عدالت کا دروازہ کھولا ہوا ہے شہر کی مشہور مٹھائی دکان کے سی داس کے مالک کے ڈائریکٹر اور رس گلا کے بانی نبین چندرداس کے وارث دھیمن داس نے کہا کہ میں اس کے لئے ممتا بنرجی کا شکریہ ادا کرنا چاہتا ہوں کہ ان کی خصوصی دلچسپی کی وجہ سے ہم نے یہ جنگ جیتی ہے ۔ جب2015میں اڑیسہ حکومت نے رس گلا کو اپنی ریاست کا ورثہ قرار دینے کے لئے جی آئی سے رجسٹریشن حاصل کی تھی ۔ اس وقت حکومت نے رس گلا سے متعلق تمام دستاویز اور معلومات حاصل کیا تھا کہ جی آئی میں یہ ثابت کیا جاسکے نبین چندرا رس گلا کے بانی ہیں۔ حکومت نے اس کی لڑائی بہت اچھے طریقے سے لڑی ہے ۔

It's official: Rasgulla is from Bengal, not Odisha
Finally, West Bengal Wins The Fight With Odisha Over Origin Of Rosogolla, Gets GI Tag

0 comments:

Post a Comment