منصف نیوز بیورو
یہ خبر انتہائی افسوس کے ساتھ پڑھی جائے گی کہ صدر مجلس بچاؤ تحریک ڈاکٹر قائم خان کا کل رات11:30بجے قلب پر حملہ کے باعث انتقال ہوگیا۔ آج ڈاکٹر قائم خان کے جسد خاکی کو مکہ مسجد لایا گیا جہاں بعد نماز جمعہ امام و خطیب مکہ مسجد رضوان قریشی نے نماز جنازہ پڑھائی ۔ نماز جنازہ میں شرکت کرنے والوں میں ڈپٹی چیف منسٹر محمد محمود علی ، قائد اپوزیشن تلنگانہ محمد علی شبیر، رکن کونسل فاروق حسین، رکن اسمبلی ممتاز احمد خان، ایڈیٹرروزنامہ سیاست زاہد علی خان ، ظہیر الدین علی خان ، محمد خالد یوسف، محمد فیصل یوسف ،ڈاکٹر خواجہ احمد خان امتیاز ، عامر علی خان، مختار احمد خان ، مولانا سید شاہ مظہر حسینی صابری، ٹی آر ایس قائد محمد فرید الدین ، خضر پاشاہ ، وحید پاشاہ، مجاہد ہاشمی ، ڈاکٹر اسلام الدین مجاہد، اعظم علی خرم ، عبدالقدیر سابق کانسٹبل ، ایس کے افضل الدین کانگریس قائد کے علاوہ مجلس بچاؤ تحریک کے کارکنان دانشوراں ملت ، علماء و مشائخ کی بڑی تعداد نے شرکت کی ۔ تدفین قبرستان احاطہ حظیرہ شہیداں درگاہ حضرت سید راج محمد صاحبؒ چنچل گوڑہ میں عمل آئی ۔
MBT president dr khayam khan passed away
کوئی تبصرے نہیں:
ایک تبصرہ شائع کریں