Search | تلاش
Archives
TaemeerNews Rate Card

Ads 468x60px

Our Sponsor: Socio Reforms Society India

تعمیر نیوز آرکائیو - TaemeerNews Archive

2016-03-31 - بوقت: 18:58

کرنول میں ڈاکٹر عبدالحق اردو یونیورسٹی کی تعمیر - 20 کروڑ روپے منظور

Comments : 0
حیدرآباد
منصف نیوز بیورو
حکومت آندھرا پردیش نے چہار شنبہ کو قانون سا ز اسمبلی میں اردو یونیورسٹی کے قیام کی بل پیش کی ۔ اس بل کو ممتاز ماہر قانون مولوی عبدالحق کے نام سے منسوب کیا گیا ہے ۔ یہ یونیورسٹی کرنول میں قائم کی جائے گی۔ وزیر فروغ انسانی وسائل گنٹا سرینواس راؤ نے مولوی عبدالحق اردو یونیورسٹی بل2016کو پیش کرتے ہوئے ایوان سے درخواست کی کہ وہ اسے منظوری کریں ۔ مولوی عبدالحق کو بابائے اردو کہاجاتا ہے کیونکہ بر صغیر ہندوستان میں تعلیم کے لئے ان کی خاطر خواہ خدمات ناقابل فراموش ہیں ۔ اردو کے لئے انہوں نے بے مثال خدمات انجام دی اور اردو ڈکشنری بھی مرتب کی ۔ ان کی پیدائش ہندوستان میں ہوئی اور عثمانیہ یونیورسٹی میں ایک صدی قبل نصاب کی تشکیل میں انہوں نے عظیم تر خدمات انجام دی ۔ تقسیم ہند کے بعد وہ پاکستان منتقل ہوگئے ۔ حکومت آندھرا پردیش نے ان کی خدمات کے پیش نظر اردو یونیورسٹی کے نام سے رکھنے کا فیصلہ کیا۔ ممتاز ماہر تعلیم اور دانشور ڈاکٹر عبدالحق کے نام سے کرنول شہر میں ایک یونانی دواخانہ بھی قائم ہیں۔ انہوں نے آندھرا پردیش ٹاملناڈو اور کیرالا میں ایک درجن تعلیمی ادارے قائم کیے اور انہیں جنوب کا سرسید کہاجاتا ہے ۔ ڈاکٹر عبدالحق کے نام سے یونیورسٹی کابل پیش کرتے ہوئے جب تنازعہ کھڑا ہوگیا ۔ بتایاگیا ہے کہ ڈاکٹر عبدالحق اور مولوی عبدالحق دو مختلف شخصیتیں ہیں ۔ حکومت ڈاکٹر عبدالحق کے نام سے اردو یونیورسٹی قائم کرنا چاہتی ہے لیکن غلطی سے بل میں مولوی عبدالحق لکھا گیا ہے ۔ ڈاکٹر عبدالحق کے پوتے ڈاکٹر جاوید رشید نے کہا کہ ترمیم کے ذریعہ نام کی تصحیح کی جانی چاہئے ۔ کرنول شہر کے قریب اوروا کلو میں125ایکر پر یہ یونیورسٹی قائم کی جائے گی ۔ جس کا سنگ بنیاد چیف منسٹر چندرا بابو نائیڈو نے گزشتہ سال نومبر میں رکھا تھا ۔ حکومت نے پہلے مرحلہ کے طور پر یونیورسٹی کیمپس کی تعمیر کے لئے بیس کروڑ روپے منظور کردئے ہیں ۔

Dr. Abdul Haq Urdu University in Kurnool

0 comments:

Post a Comment