Search | تلاش
Archives
TaemeerNews Rate Card

Ads 468x60px

Our Sponsor: Socio Reforms Society India

تعمیر نیوز آرکائیو - TaemeerNews Archive

2015-11-03 - بوقت: 18:47

خصوصی موقف برائے آندھرا - بی جے پی مہیلا مورچہ صدر کی وضاحت

Comments : 0
سابق مرکزی وزیر و بی جے پی مہیلا مورچہ کی قومی صدر ڈی پورند یشوری نے الزام عائد کیا کہ ریاست اے پی کو خصوصی موقف دینے کے مسئلہ پر چند سیاسی جماعتیں نہ صرف عوام کو گمراہ کررہی ہیں بلکہ اس بارے میں عوام کو غلط باور بھی کرارہی ہیں ۔ یہاں اخباری نمائندوں سے بات چیت کرتے ہوئے پورند یشوری نے کہا کہ وزیر اعظم نریندر مودی امراوتی کی سنگ بنیاد کے موقع پر اس بات کا اعلان کرچکے ہیں کہ ان کی حکومت اے پی تنظیم جدید ایکٹ میں کئے گئے تمام وعدوں کو پورا کرے گی ۔ انہوںنے کہا کہ ریاست کو خصوصی موقف دینے کے بارے میں چند فنی رکاوٹیں ہیں ۔ لیکن توقع ہے کہ بہت جلد ان رکاوٹوں کو دور کرلیا جائے گا۔ پورند یشوری نے مزید کہا کہ مرکز کی این ڈی اے حکومت نے ریاست میں12قومی اداروں کی تعمیر کے سوا اضافی خصوصی فنڈ بھی مختص کیا ہے ۔ گزشتہ16ماہ کے دوران ریاست آندھرا پردیش کو7,500کروڑ روپے کی امداد دی گئی ہے مگر اس تعلق سے ریاستی حکومت کچھ نہیں کہہ رہی ہے جبکہ تلگو دیشم حکومت کی یہ ذمہ داری ہے کہ وہ مرکز کی امداد سے متعلق تفصیلات سے عوام کو واقف کرائے ۔ ملک میں بڑھتی ہوئی عدم رواداری کے خلاف بطور احتجاج اسکالرس کی جانب سے قومی ایوارڈس واپس کرنے سے متعلق ایک سوال کا جواب دیتے ہوئے انہوں نے کہا کہ اس اسکالرس کا یہ اقدام صحیح نہیں ہے ۔ انہوں نے کہا کہ ایوارڈز واپس کرتے ہوئے یہ اسکالرس خو د اپنا وقار کم کررہے ہیں ۔
وجئے واڑہ سے پی ٹی آئی کی ایک علیحدہ اطلاع کے بموجب صدر پردیش کانگریس آندھرا پردیش این رگھو یرا ریڈی نے وزیر اعظم نریندر مودی کو مکتوب ایصال کرتے ہوئے ان سے ریاست کو خصوصی موقف دینے کے بشمول آندھر اپردیش کے عوام سے کئے گئے وعدوں کو پورا کرنے کا مطالبہ کیا ہے۔ رگھویر ا ریڈی نے اپنے مکتوب میں وزیر اعظم مودی سے کہا کہ ہم نے گزشتہ ڈیڑھ برس کے دوران کئی بار آپ کی توجہ اس جانب مبذول کرائی کہ ریاست کو خصوصی موقف عطا کئے جائے مگر اب تک مرکز نے اے پی کو خصوصی موقف نہیں دیا ہے جب کہ پیشرو وزیر اعظم ڈاکٹر منموہن سنگھ نے20 فروری2014ء کو پارلیمنٹ میں اے پی تنظیم جدید بل منظور کراتے وقت یہ وعدہ کیا تھا کہ ریاست اے پی کو خصوصی موقف کے ساتھ پسماندہ شمالی ساحلی علاقہ اور رائلسیما کو خصوصی پیکیج دینے کا رسمی اعلان کریں گے ۔ مگر مودی نے سنگ بنیاد تقریب میں ایسا اعلان تو نہیں کیا مگر اے پی کے عوام کو مٹی اور پانی سے بھرے برتن کا تحفہ دیا جس میں احاطہ پارلیمنٹ کی مٹی اور دریائے جمنا کا پانی تھا۔ وزیر اعظم کے اس اقدام سے ریاست کے عوام کو شدید مایوسی ہوئی اور اب عوام یہ سمجھنے لگے کہ پارلیمنٹ میں کئے گئے وعدوں کو پورا نہ کرنے سے ان کا اور ان کے بچوں کا مستقبل تاریک نظر آنے لگا ہے ۔ ریڈی نے وزیر اعظم نریندر مودی سے مطالبہ کیا کہ وہ چار اہم وعدوں کو کسی بھی صورت میں پورا کریں ۔ ان وعدوں میں اے پی کو خصوصی موقف دینا، صنعتوں کے قیام کے لئے ٹیکس میں رعایت کے علاوہ شمالی ساحلی آندھر ااور سائلسیما کو خصوصی پیکیج دینا شامل ہے ۔ انہوں نے کہا کہ ان کی پارٹی کانگریس ، مٹی ستیہ گرہ شروع کرے گی۔ رگھویرا ریڈی نے وزیر اعظم مودی سے مطالبہ کیا کہ ایک ماہ کے وقفہ کے دوران مختلف مسائل پر من کی بات پروگرام پر گفتگو نہ کریں بلکہ مٹی کی بات پروگرام شروع کریں اس میں خصوصی موقف دینے کے بارے میں ریاست کے عوام سے راست ملاقات کریں ۔

Andhra Pradesh special status: NDA committed to promises, says Purandeswari

0 comments:

Post a Comment