یو این آئی
تلنگانہ اور آندھرا پردیش میں ضروری اشیاء کی قیمتوں میں ایک مرتبہ پھر اضافہ ہوگیا ہے ۔ پیاز نے سب کی آنکھوں میں آنسو لا دئیے ۔ دالوں کی قیمتوں میں بھی اضافہ سے عام آدمی کے جیب پر اثر پڑا اور اب تازہ طور پر ٹماٹر کی قیمت میں اضافہ نے عوام کی تشویش میں مزید اضافہ کردیا ہے ۔ ریٹیل مارکٹ میں ٹماٹر فی کلو70تا100روپے کلو حساب سے فروخت ہورہا ہے جب کہ ہول سیل مارکٹ میں بھی قیمتیں کافی زیادہ ہیں۔ قیمتوں میں اضافہ سے عوام میں تشویش پائی جاتی ہے ۔ گڈی ملکا پور مارکٹ میں ٹماٹر کا کاروبار کرنے والوں نے کہا کہ اس سیزن میں بارش کی کمی کے سبب قیمتوں میں اضافہ ہوا ہے۔ انہوں نے کہا کہ بارش نہ ہونے سے اس سال مہاراشٹرا سے ٹماٹر لایاجارہا ہے اس سے اس کی قیمتوں میں اضافہ ہوا ہے ۔
Tomatoes price Rs. 70 to 100 per kg in Telangana
کوئی تبصرے نہیں:
ایک تبصرہ شائع کریں