مسلمانوں کو ترقی دینے کے لیے بی۔جے۔پی کی ویژن دستاویر

26/جون نئی دہلی پی۔ٹی۔آئی

چیف منسٹر گجرات نریندر موی کو بی جے پی انتخابی مہم کمیٹی کا سربراہ مقرر کرنے کے باعث ووٹوں کے منقسم ہونے کے اندیشے کے پیش نظر بی جے پی نے مسلمانوں کو ترقی دینے کے مقصد سے ایک ویژن دستاویز تیار کرنے کا فیصلہ کیا ہے۔ آئندہ عام انتخابات سے قبل مسلمانوں کو خوش کرنے کیلئے یہ ویژن دستاویز کام میں لائی جائے گی۔ بی جے پی کے نائب صدر مختار عباس نقوی جو ویژن دستاویز کی تیاری کے عمل میں مصروف ہیں ان کے ساتھ پارٹی کے لیڈر شاہنواز حسین اور دیگر بھی شامل ہیں کہا کہ مسلمانوں کی دلجوئی کی کوئی کوشش نہیں کی جارہی ہے بلکہ سیاسی پارٹیوں کی جانب سے مسلمانوں کا اب تک استحصال کیا جاتا رہا ہے۔ ان پارٹیوں کو بے نقاب کرنے کیلئے ہی بی جے پی مسلمانوں کی ترقی کی حقیقی متمنی ہے۔ انہوں نے کہاکہ بی جے پی ان طبقات کی دلجوئی کئے بغیر اقلیتوں کو بااختیار بنانے کیلئے قدم اٹھانا چاہتی ہے۔ اس کا مطلب مسلمانوں کی سماجی، معاشی اور عالمی ترقی کو یقینی بنانا اس کی اولین ترجیح ہے۔ تاہم اصل اپوزیشن نے اس تجویز کو مسترد کردیا کہ ویژن دستاویز کو مودی کیلئے خاص مقام دئیے جانے کے باعث بی جے پی کو ہونے والے نقصان کو دور کرنے یہ اقدامات کئے جارہے ہیں۔ مختار عباس نقوی نے مزید کہاکہ گجرات میں مسلمانوں کو بااختیار بنانے کیلئے بڑا قدم اٹھایا گیا ہے۔ بی جے پی ٹکٹ پر 250مسلمان منتخب ہوکر مختلف محکموں میں عہدے حاصل کئے ہیں۔

BJP's Vision Document for Muslims